Sjáðu mörkin úr Bestu þar sem Gylfi Þór fór mikinn og glæsi­mark var skorað

FH-ingar komu sér úr fallsæti og upp í 7. sæti Bestu deildar karla í fótbolta í dag, að minnsta kosti tímabundið, með 2-0 sigri gegn Vestra í Kaplakrika. Glæsimark Sigurðar Bjarts Hallssonar og annað mark frá Birni Daníel Sverrisssyni innsigluðu sigurð FH-inga. 

Um kvöldið tóku KA-menn svo á móti toppliði Víkings Reykjavíkur á Greifavellinum á Akureyri. Víkingar fóru þar með 2-0 sigur af hólmi. Gylfi Þór Sigurðsson fór mikinn með stoðsendingu og marki í leiknum. Hann lagði upp fyrsta markið sem skorað var af Nikolaj Hansen og innsiglaði svo sigur Víkinga í seinni hálfleik. Víkingar eru nú fjórum stigum á undan Breiðabliki sem á þó leik til góða í kvöld gegn Fram.

Þá gerði Stjarnan góða ferð á Akranes er þeir lögðu Skagamenn 3-0 í fjörugum leik. Jón Þór Hauksson látin taka pokann sinn sem þjálfari ÍA fyrir helgi og Lárus Orri Sigurðsson ráðin. Hins vegar var það Dean Martin sem stýrði Skaganum í gær. Benedikt V. Warén kom Stjörnunni á bragðið í fyrri hálfleik og sjálfsmark Baldvins Þórs Berndsen sem og mark frá Andra Rúnari Bjarnasyni tryggðu Stjörnunni þriggja marka sigur. Með honum lyftir Stjarnan sér upp í 3.sæti deildarinnar.