Innlent

Vesturbæjarlaug lokuð í þrjár vikur til við­bótar

Kjartan Kjartansson skrifar
Byggt hefur verið yfir laugarkerið í Vesturbæjarlaug á meðan unnið er að múrviðgerðum á því.
Byggt hefur verið yfir laugarkerið í Vesturbæjarlaug á meðan unnið er að múrviðgerðum á því. Reykjavíkurborg

Opnun Vesturbæjarlaugar eftir viðhaldsframkvæmdir hefur verið frestað um þrjár vikur eftir að í ljós kom að þörf væri á meiri múrviðgerðum en áætlað var. Nú er stefnt að því að opna laugina 15. júlí en upphaflega átti það að gerast á mánudaginn.

Vesturbæjarlaug var lokað 26. maí vegna viðhaldsframkvæmda og stóð til að opna aftur 23. júní. Í tilkynningu frá Reykjavíkurborg kemur fram að laugarkerið, sem er 64 ára gamalt, hafi verið verr farið en fyrstu skoðanir bentu til. Því hafi verið nauðsynlegt að ráðast í frekari múrviðgerðir sem kalli á opnuninni verðir frestað.

Byggt var yfir laugarkerið fyrir viðgerðina til þess að hreinsa burt gömul málningarlög sem safnast hafa upp. Nauðsynlegt er sagt að hreinsa þau alveg af til þess að tryggja vandaðar og varanlegar viðgerðir á kerinu.

Svona er umhorfs í laugarkeri Vesturbæjarlaugar þessa dagana.Reykjavíkurborg

Á meðan ekki sé hægt að opna laugina gestum sé tíminn nýttur til framkvæmda á öðrum stöðum eins og í afgreiðslu og sánum auk þess sem nýtt neyðarkerfi verði sett upp. Stefnt sé að því að ljúka sem flestum verkum nú til þess að hægt verði að forðast frekari truflanir vegna viðhalds seinna.

Reykjavík Sundlaugar og baðlón

Mest lesið


Fleiri fréttir

Sjá meira


×

Mest lesið