Færðu barn heila­dauðrar konu í heiminn

Adriana Smith var lýst heiladauð, og þar með látin samkvæmt lögum, eftir að hún fékk blóðtappa í heila í febrúar. Hún var þá gengin átta vikur. Lög í Georgíu banna þungunarrof eftir sjöttu viku meðgöngu. Læknar á Emory-sjúkrahúsinu í Atlanta sögðu fjölskyldu Smith að þeir mættu ekki taka hún úr öndunarvél vegna laganna.

Nú segir April Newkirk, móðir Smith, að læknar hafi tekið barnið með keisaraskurði á föstudag, um þremur mánuðum fyrir tímann. Barnið var um hálft kíló að þyngd en því er nú haldið á fyrirburadeild. Newkirk segir að búist sé við því að barnið lifi.

AP-fréttastofan segir að ekki sé ljóst hvers vegna læknar ákváðu að taka á móti barninu núna. Móðir Smith sagði á föstudag að hún yrði tekin úr öndunarvél á þriðjudag í þessari viku.

Þrátt fyrir ákvörðun sjúkrahússins sagði Chris Carr, dómsmálaráðherra Georgíu og repúblikani, að þungunarrofslögin skylduðu heilbrigðisstarfsmenn ekki til þes að halda heiladauðum konum í öndunarvél. Tilgangur þess væri ekki að binda enda á meðgöngu.