Innlent

Þyrlan á flugi yfir Kópa­vogi

Samúel Karl Ólason skrifar
Þyrlan yfir Kópavogi.
Þyrlan yfir Kópavogi. Vísir/Anton

Áhöfn þyrlu Landhelgisgæslunnar hefur tekið þátt í leitinni að Sigríði Jóhannsdóttur, sem sást síðast á Digranesheiði í Kópavogi síðdegis föstudaginn 13. júní. Lögreglan á höfuðborgarsvæðinu bað um að þyrlan kæmi að leitinni í dag og eru tveir lögreglumenn um borð í henni ásamt hefðbundinni áhöfn.

Þyrlunni hefur verið flogið lágt yfir Kópavogi í leitinni.

Áður hafði lögreglan beðið fólk á svæðinu við Digranes og víðar í Kópavogi um að skoða nærumhverfi sitt eins og geymslur, stigaganga og garðskúra. Þau sem eru í forsvari fyrir auðu húsnæði í Kópavogi eru beðin um að skoða slíka staði.

Þá eru þeir sem eru með öryggis- og eftirlitsmyndavélar á svæðinu að hafa samband svo hægt sé að kanna hvort sjáist til Sigríðar á upptökum þeirra.

Þau sem geta gefið upplýsingar um ferðir Sigríðar eru beðin að hafa samband við lögregluna í síma 112 eða 444-1000 eða með tölvupósti á netfangið 100@lrh.is.

Lögreglumál Kópavogur Björgunarsveitir

Tengdar fréttir

Fimmtíu manns tóku þátt í leit sem stóð til fjögur í nótt

Um 50 manns tóku þátt í umfangsmikilli leit eftir Sígríði Jóhannsdóttur sem hófst um miðnætti í gær og stóð til fjögur í nótt. Biðlað er til allra þeirra sem kunna að hafa einhverjar vísbendingar um veru hennar að hafa samband við Neyðarlínuna í síma: 112. 

Mest lesið


Fleiri fréttir

Sjá meira


×

Mest lesið