Lauf­ey Lín og Barbra Streisand leiða saman hesta sína

Um er að ræða lag sem Laufey gaf út á verðlaunabreiðskífu sinni Bewitched árið 2023. Fyrir hana hlaut hún Grammy-verðlaun og sló met á streymisveitunni Spotify fyrir flest streymi á útgáfudegi skífu í djassflokki.

Þessa nýju útgáfu sem hún syngur með hinni goðsagnakenndu Börbru Streisand og trónir á toppi lagalistans er af breiðskífu sem Streisand gefur út seinna í mánuðinum. Á plötunni, sem ber heitið The Secret of Life: Partners, Volume 2, syngur hún dúetta með þekktum nöfnum á borð við Ariönu Grande, James taylor, Sam Smith, Bob Dylan og Paul McCartney.

Laufey, sem er einungis 25 ára, hefur notið mikilla vinsælda víða um heim en til að mynda var hún kjörin ein af konum ársins hjá tímaritinu Time.