Körfubolti

Stjarnan sækir tvo öfluga Þórsara

Ágúst Orri Arnarson skrifar
Madison Sutton og Eva Wium voru lykilleikmenn í liði Þórs á síðasta tímabili.
Madison Sutton og Eva Wium voru lykilleikmenn í liði Þórs á síðasta tímabili. vísir

Miðherjinn Madison Sutton og landsliðskonan Eva Wium Elíasdóttir hafa yfirgefið herbúðir Þórs frá Akureyri og samið við Stjörnuna í Garðabænum til næstu tveggja ára.

„Þetta eru tveir frábærir leikmenn sem við höfum fylgst lengi með og erum spennt að fá inn í hópinn. Þær koma til með að vera mikill liðsstyrkur bæði innan vallar og utan…“ segir Ólafur Jónas Sigurðsson, þjálfari Stjörnunnar, í tilkynningu sem félagið sendi frá sér.

Um er að ræða mikla blóðtöku fyrir lið Þórs frá Akureyri, sem fór stórkostlega af stað á síðasta tímabili og sat lengi í efsta sæti deildarinnar. Fámennur leikmannahópur liðsins gat hins vegar ekki haldið sama dampi seinni hluta tímabilsins.

Illa gekk að fá leikmenn til liðsins norður í landi. Þór dróst aftur úr toppbaráttunni, endaði í þriðja sæti og datt síðan út í fyrstu umferð í úrslitakeppninni.

Daníel Andri Halldórsson hætti svo þjálfun liðsins eftir tímabilið og tók við KR. Nú hafa einnig tveir lykilleikmenn yfirgefið liðið.

Eva Wium var með 13.9 stig, 4.1 fráköst og 2.9 stoðsendingar en Madison með 15.2 stig, 16.5 fráköst og 6.7 stoðsendingar, að meðaltali í leik á síðasta tímabili.

Fréttin hefur verið uppfærð

Bónus-deild kvenna Þór Akureyri Stjarnan

Tengdar fréttir

Daníel tekur við KR

Daníel Andri Halldórsson, fyrrverandi þjálfari Þórs á Akureyri, var í dag kynntur sem nýr þjálfari kvennaliðs KR í körfubolta. Hann mun því stýra liðinu í efstu deild á næstu leiktíð.

Mest lesið


Fleiri fréttir

Sjá meira


×

Mest lesið