Innlent

Býður til flugveislu á Reykja­víkur­flug­velli

Kristján Már Unnarsson skrifar
Fyrsta Airbus-þota Icelandair flaug yfir Reykjavíkurflugvöll við komuna til Íslands í desember. Áformað er að fjórða Airbus-þota félagsins birtist yfir flugvellinum á morgun þegar hún flýgur frá verksmiðjunum í Hamborg.
Fyrsta Airbus-þota Icelandair flaug yfir Reykjavíkurflugvöll við komuna til Íslands í desember. Áformað er að fjórða Airbus-þota félagsins birtist yfir flugvellinum á morgun þegar hún flýgur frá verksmiðjunum í Hamborg. Matthías Sveinbjörnsson

Flugmálafélag Íslands heldur sína árlegu flugsýningu á Reykjavíkurflugvelli á morgun, laugardaginn 31.maí. Félagið segir að þar verði sannkölluð flugveisla, mikill fjöldi loftfara af öllum stærðum og gerðum verði til sýnis, bæði á jörðu og í lofti.

Færustu listflugmenn, innlendir og erlendir, sýni listir sínar, þeirra á meðal Luke Penner, margfaldur kanadískur meistari í listflugi. Landhelgisgæslan verði með framlag og stærsti dróni landsins verði til sýnis. Þá muni ný þota Icelandair fljúga yfir svæðið beint frá verksmiðjunni auk fjölmargra annarra atriða.

Sýningarsvæðið við Loftleiðahótelið verður opið milli klukkan 12 og 16 en sýningaratriðin hefjast klukkan 13, segir í tilkynningu Flugmálafélagsins.

Svifvængjamenn á sýningunni fyrir tveimur árum.HAFSTEINN SNÆR ÞORSTEINSSON

„Í gegnum árin hefur flugsýning á Reykjavíkurflugvelli vakið mikla eftirtekt. Mikill mannfjöldi hefur mætt til þess að sjá bæði gamlar og nýjar flugvélar,“ segir ennfremur.

„Á flugsýningunni má með lifandi hætti sjá þann drifkraft og orku sem liggur í grasrót flugs á Íslandi. Á henni virðum við söguna, hið liðna, fögnum núinu og undirbúum framtíðina með því að vekja áhuga hjá komandi kynslóðum.“

Á sýningunni í fyrra fór þáverandi borgarstjóri í listflug:

Hér má sjá frétt frá flugsýningunni sumarið 2023:

Fréttir af flugi Reykjavíkurflugvöllur Reykjavík

Tengdar fréttir

Borgarstjóri á hvolfi hátt yfir Reykjavík

Fjölmenni lagði leið sína á Reykjavíkurflugvöll í dag þar sem efnt var til íburðarmikillar flugsýningar. Gestir gátu virt fyrir sér tugi flugvéla á flugvellinum sjálfum í miklu návígi.

Flug­sýning einn af stærstu menningar­við­burðum borgarinnar

Þúsundir manna sóttu flugsýningu á Reykjavíkurflugvelli í dag þar sem sjá mátti þverskurð íslenska fluggeirans, allt frá litlum drónum upp í stórar farþegaþotur. Margir tóku andköf þegar djarfir listflugmenn veltu sér um háloftin.

Mest lesið


Fleiri fréttir

Sjá meira


×

Mest lesið