Fram­kvæmdir í tómri Ár­bæjar­laug ganga vel

Þetta kemur fram á Facebook-síðu Reykjavíkurborgar, en laugin hefur verið lokuð frá 19. maí.

Í færslunni eru birtar myndir sem teknar voru í blíðviðrinu á miðvikudag þar sem sjá má tóma laugina og menn að störfum. 

„Auk þess að endurnýja flísalögnina þar er verið að vinna við viðhald sem ekki er hægt að sinna á meðan laugin er opin.

Áætlað var að framkvæmdir myndu standa yfir til og með 4. júní og miðað við ganginn í verkinu nú lítur út fyrir að það standist. Fastagestir geta því látið sig hlakka til að mæta í nýja og flotta laug í júní,“ segir í færslunni.