Utan vallar: Hver ber ábyrgð á því hvað við erum glötuð? Sindri Sverrisson skrifar 13. febrúar 2025 08:30 Íslensku landsliðin hafa náð mögnuðum árangri á liðnum árum. Kvennalandsliðið er til að mynda það 14. besta í heimi og á leið í lokakeppni EM í fimmta sinn í röð. Á meðan eru vallarmál á Íslandi mögulega þau verstu í Evrópu. vísir/Anton Víkingar spila heimaleik í Helsinki í dag og Ísland spilar heimaleik í Murcia í næsta mánuði. Hverjum ber að þakka fyrir þessa ömurlegu stöðu í vallarmálum hér á landi, innan- sem utanhúss? Færeyingar opna nýja og glæsilega þjóðarhöll sína fyrir innanhússíþróttir á laugardaginn. Rúm tvö ár eru frá fyrstu skóflustungu og nú eiga Færeyjar, sem komust í fyrsta sinn inn á stórmót í handbolta í fyrra og þá bæði EM karla og kvenna, heimavöll sem stenst ítrustu kröfur. Á meðan spila strákarnir og stelpurnar í okkar handboltalandsliðum heimaleiki í löngu úreltri Laugardalshöll, á milli þess sem liðin spila í glæsilegum höllum erlendis á hverju stórmótinu á fætur öðru sem frábærir kyndilberar Íslands. Strákarnir okkar í handboltalandsliðinu eiga að spila á heimavelli á HM 2031, í nýrri þjóðarhöll. Ætli það takist?vísir/Vilhelm Værum við kannski í betri málum ef við hefðum ekki slitið okkur frá Danmörku? Færeyska fótboltaliðið KÍ gat alla vega spilað heimaleiki sína um vetur í Færeyjum, á þjóðarleikvanginum Þórsvelli, þegar liðið sló í gegn og komst í riðlakeppni Sambandsdeildarinnar fyrir einu og hálfu ári. Vandamálin með aðstöðumál á hæsta stigi íþrótta á Íslandi hafa verið svo mörg og sorgleg síðustu ár, en alveg gjörsamlega fyrirséð, og enginn vill bera á því ábyrgð. Hver á annars að borga brúsann þegar Víkingar geta ekki spilað heimaleik á Íslandi heldur í Finnlandi, með þeim mikla tilkostnaði sem því fylgir? Og eitthvað kostar það fyrir KSÍ að neyðast til að spila erlendis, þó að eflaust hafi verið reynt að fara sem varfærnasta leið með því að spila á Spáni. Sá leikur er við Kósovó, þjóð með um 1,6 milljón íbúa sem hlaut viðurkenningu Íslendinga á sjálfstæði fyrir sautján árum. Kósovóar eru að sjálfsögðu með heimavöll sem stenst kröfur UEFA og spila heimaleik sinn í Pristina áður en þeir halda til Spánar í leikinn við Ísland. Sú staða að Ísland neyðist til að spila heimaleik á Spáni gæti í besta falli talist hlægileg.vísir/Hulda Margrét Fjöldi fleiri dæma er um svona pínlegar aðstæður. Valsmenn urðu Evrópubikarmeistarar í handbolta í fyrra. Magnaður árangur. Þeir neyddust svo til að spila heimaleik í Evrópudeildinni í vetur í Hafnarfirði, vegna þess að aðeins einn löglegur dúkur er til á landinu og FH-ingar þurftu að nota hann sama kvöld. Íslenska kvennalandsliðið mætti Serbum í fyrra, í umspilsleik á Kópavogsvelli. Hvenær var þessi mikilvægi leikur? Jú, klukkan 14:30 á þriðjudegi. Það var til þess að birtuskilyrði væru fullnægjandi á velli þar sem bæjaryfirvöld tímdu ekki að splæsa í nógu sterk flóðljós á sínum tíma (og ekki kom Laugardalsvöllur til greina í febrúarmánuði). Þessar aðstæður rímuðu engan veginn við mikilvægi leiksins en við þökkum Sveindísi Jane fyrir að hafa komið til bjargar seint í leiknum. Ömurlegt aðgerðaleysi Auðvitað vonar maður að fyrirætlanir um nýja þjóðarhöll gangi fljótt eftir og hún rísi tímanlega fyrir HM sem við lofuðum víst að halda eftir sex ár. Einhvern tímann stóð reyndar til að þessi höll myndi rísa 2025 en það vissu allir að það myndi ekki ganga eftir og maður þakkar bara fyrir ef manni endist aldur til að mæta á leik í henni. Ný forysta KSÍ virðist hafa tekið skynsamleg skref varðandi Laugardalsvöll. Þar standa yfir framkvæmdir við (loksins) upphitaðan völl með blönduðu grasi sem vonandi væri þá hægt að nýta í þann fjölda mikilvægu leikja sem bíða íslenskra liða á vetrarmánuðum komandi ára. Það er hins vegar svo skelfilega glatað og ömurlegt að skaðinn skuli vera skeður. Að þessi mál skuli ekki hafa verið græjuð fyrir löngu. Að þeir sem gátu gert eitthvað hafi ekki gert neitt. Alþingismennirnir okkar, sveitarstjórnarfólk, íþróttaforystan, fjölmiðlar, almenningur – það má kenna öllum um. Það eina sem ég veit er að íþróttafólkið okkar stendur sig margfalt betur og á einfaldlega mikið betra skilið. Ný þjóðarhöll Nýr þjóðarleikvangur Utan vallar Mest lesið Bíll Shaquille O'Neal enn ófundinn Körfubolti Óskar Hrafn fer ekki fet Íslenski boltinn Hákon Rafn hélt hreinu þegar Brentford flaug áfram Enski boltinn Epicbet sýni handboltann í leyfisleysi: „Enda ólöglegar síður“ Handbolti Arteta óttast ekki að keppinautarnir steli undrabarninu frá honum Enski boltinn FH bíður með að tilkynna nýjan þjálfara Íslenski boltinn Spánn og Þýskaland mætast í úrslitum Fótbolti Dagskráin í dag: Íslenskur körfubolti í sviðsljósinu Sport Verstappen telur sig ekki geta barist um titilinn Formúla 1 Anguissa hetja meistaranna Fótbolti Fleiri fréttir Sú leikjahæsta leggur skóna á hilluna og klárar læknanámið Stuðningsmaður RB Leipzig lést á bikarleiknum í gærkvöldi Epicbet sýni handboltann í leyfisleysi: „Enda ólöglegar síður“ Arteta óttast ekki að keppinautarnir steli undrabarninu frá honum FH bíður með að tilkynna nýjan þjálfara Bíll Shaquille O'Neal enn ófundinn Dagskráin í dag: Íslenskur körfubolti í sviðsljósinu Óskar Hrafn fer ekki fet Spánn og Þýskaland mætast í úrslitum Anguissa hetja meistaranna Hákon Rafn hélt hreinu þegar Brentford flaug áfram Martin öflugur í góðum sigri Verstappen telur sig ekki geta barist um titilinn Jón Dagur gulltryggði sigurinn með sínu fyrsta marki Leikið á Þróttaravelli á miðvikudag Vinícius Júnior íhugar að yfirgefa Real Madríd Kaupir sér tveggja milljarða króna hús Alexander Máni með fimm mörk í tveimur leikjum og Ísland áfram Birnir frá Akureyri í Garðabæ Klobbaði íslensku strákana og fór á flug á netmiðlum Teitur inn í landsliðið Hættir með Fram Landsliðskonur aðstoðuðu ökumenn í vanda Öllum leikjum Bónus-deildar kvenna í kvöld frestað Arnar skilur ekkert í Tottenham Landsleiknum aflýst og framhaldið óljóst Bardagakapparnir vilja ólmir fá að keppa í Hvíta húsinu Segir að Slot verði að taka tvo leikmenn út úr Liverpool-liðinu Vonast til að komast í Kórinn: „Menn hafa aldrei séð annað eins“ Markvörður Inter banaði háöldruðum manni í hjólastól Sjá meira
Færeyingar opna nýja og glæsilega þjóðarhöll sína fyrir innanhússíþróttir á laugardaginn. Rúm tvö ár eru frá fyrstu skóflustungu og nú eiga Færeyjar, sem komust í fyrsta sinn inn á stórmót í handbolta í fyrra og þá bæði EM karla og kvenna, heimavöll sem stenst ítrustu kröfur. Á meðan spila strákarnir og stelpurnar í okkar handboltalandsliðum heimaleiki í löngu úreltri Laugardalshöll, á milli þess sem liðin spila í glæsilegum höllum erlendis á hverju stórmótinu á fætur öðru sem frábærir kyndilberar Íslands. Strákarnir okkar í handboltalandsliðinu eiga að spila á heimavelli á HM 2031, í nýrri þjóðarhöll. Ætli það takist?vísir/Vilhelm Værum við kannski í betri málum ef við hefðum ekki slitið okkur frá Danmörku? Færeyska fótboltaliðið KÍ gat alla vega spilað heimaleiki sína um vetur í Færeyjum, á þjóðarleikvanginum Þórsvelli, þegar liðið sló í gegn og komst í riðlakeppni Sambandsdeildarinnar fyrir einu og hálfu ári. Vandamálin með aðstöðumál á hæsta stigi íþrótta á Íslandi hafa verið svo mörg og sorgleg síðustu ár, en alveg gjörsamlega fyrirséð, og enginn vill bera á því ábyrgð. Hver á annars að borga brúsann þegar Víkingar geta ekki spilað heimaleik á Íslandi heldur í Finnlandi, með þeim mikla tilkostnaði sem því fylgir? Og eitthvað kostar það fyrir KSÍ að neyðast til að spila erlendis, þó að eflaust hafi verið reynt að fara sem varfærnasta leið með því að spila á Spáni. Sá leikur er við Kósovó, þjóð með um 1,6 milljón íbúa sem hlaut viðurkenningu Íslendinga á sjálfstæði fyrir sautján árum. Kósovóar eru að sjálfsögðu með heimavöll sem stenst kröfur UEFA og spila heimaleik sinn í Pristina áður en þeir halda til Spánar í leikinn við Ísland. Sú staða að Ísland neyðist til að spila heimaleik á Spáni gæti í besta falli talist hlægileg.vísir/Hulda Margrét Fjöldi fleiri dæma er um svona pínlegar aðstæður. Valsmenn urðu Evrópubikarmeistarar í handbolta í fyrra. Magnaður árangur. Þeir neyddust svo til að spila heimaleik í Evrópudeildinni í vetur í Hafnarfirði, vegna þess að aðeins einn löglegur dúkur er til á landinu og FH-ingar þurftu að nota hann sama kvöld. Íslenska kvennalandsliðið mætti Serbum í fyrra, í umspilsleik á Kópavogsvelli. Hvenær var þessi mikilvægi leikur? Jú, klukkan 14:30 á þriðjudegi. Það var til þess að birtuskilyrði væru fullnægjandi á velli þar sem bæjaryfirvöld tímdu ekki að splæsa í nógu sterk flóðljós á sínum tíma (og ekki kom Laugardalsvöllur til greina í febrúarmánuði). Þessar aðstæður rímuðu engan veginn við mikilvægi leiksins en við þökkum Sveindísi Jane fyrir að hafa komið til bjargar seint í leiknum. Ömurlegt aðgerðaleysi Auðvitað vonar maður að fyrirætlanir um nýja þjóðarhöll gangi fljótt eftir og hún rísi tímanlega fyrir HM sem við lofuðum víst að halda eftir sex ár. Einhvern tímann stóð reyndar til að þessi höll myndi rísa 2025 en það vissu allir að það myndi ekki ganga eftir og maður þakkar bara fyrir ef manni endist aldur til að mæta á leik í henni. Ný forysta KSÍ virðist hafa tekið skynsamleg skref varðandi Laugardalsvöll. Þar standa yfir framkvæmdir við (loksins) upphitaðan völl með blönduðu grasi sem vonandi væri þá hægt að nýta í þann fjölda mikilvægu leikja sem bíða íslenskra liða á vetrarmánuðum komandi ára. Það er hins vegar svo skelfilega glatað og ömurlegt að skaðinn skuli vera skeður. Að þessi mál skuli ekki hafa verið græjuð fyrir löngu. Að þeir sem gátu gert eitthvað hafi ekki gert neitt. Alþingismennirnir okkar, sveitarstjórnarfólk, íþróttaforystan, fjölmiðlar, almenningur – það má kenna öllum um. Það eina sem ég veit er að íþróttafólkið okkar stendur sig margfalt betur og á einfaldlega mikið betra skilið.
Ný þjóðarhöll Nýr þjóðarleikvangur Utan vallar Mest lesið Bíll Shaquille O'Neal enn ófundinn Körfubolti Óskar Hrafn fer ekki fet Íslenski boltinn Hákon Rafn hélt hreinu þegar Brentford flaug áfram Enski boltinn Epicbet sýni handboltann í leyfisleysi: „Enda ólöglegar síður“ Handbolti Arteta óttast ekki að keppinautarnir steli undrabarninu frá honum Enski boltinn FH bíður með að tilkynna nýjan þjálfara Íslenski boltinn Spánn og Þýskaland mætast í úrslitum Fótbolti Dagskráin í dag: Íslenskur körfubolti í sviðsljósinu Sport Verstappen telur sig ekki geta barist um titilinn Formúla 1 Anguissa hetja meistaranna Fótbolti Fleiri fréttir Sú leikjahæsta leggur skóna á hilluna og klárar læknanámið Stuðningsmaður RB Leipzig lést á bikarleiknum í gærkvöldi Epicbet sýni handboltann í leyfisleysi: „Enda ólöglegar síður“ Arteta óttast ekki að keppinautarnir steli undrabarninu frá honum FH bíður með að tilkynna nýjan þjálfara Bíll Shaquille O'Neal enn ófundinn Dagskráin í dag: Íslenskur körfubolti í sviðsljósinu Óskar Hrafn fer ekki fet Spánn og Þýskaland mætast í úrslitum Anguissa hetja meistaranna Hákon Rafn hélt hreinu þegar Brentford flaug áfram Martin öflugur í góðum sigri Verstappen telur sig ekki geta barist um titilinn Jón Dagur gulltryggði sigurinn með sínu fyrsta marki Leikið á Þróttaravelli á miðvikudag Vinícius Júnior íhugar að yfirgefa Real Madríd Kaupir sér tveggja milljarða króna hús Alexander Máni með fimm mörk í tveimur leikjum og Ísland áfram Birnir frá Akureyri í Garðabæ Klobbaði íslensku strákana og fór á flug á netmiðlum Teitur inn í landsliðið Hættir með Fram Landsliðskonur aðstoðuðu ökumenn í vanda Öllum leikjum Bónus-deildar kvenna í kvöld frestað Arnar skilur ekkert í Tottenham Landsleiknum aflýst og framhaldið óljóst Bardagakapparnir vilja ólmir fá að keppa í Hvíta húsinu Segir að Slot verði að taka tvo leikmenn út úr Liverpool-liðinu Vonast til að komast í Kórinn: „Menn hafa aldrei séð annað eins“ Markvörður Inter banaði háöldruðum manni í hjólastól Sjá meira