Ís­land ekki sent fleiri til leiks á HM síðan 2016

Kepp­endur frá Ís­landi hafa ekki verið fleiri á Heims­meistaramóti í sundi síðan árið 2016.

Á Heims­meistaramóti í 25 metra laug er keppt í undan­rásum að morgni í öllum greinum. Sex­tán bestu sund­mennirnir komast í undanúr­slit í 50m og 100m greinum en aðeins átta sund­menn komast í úr­slit í lengri greinum á borð við 200m, 400m, 800m og 1500 metra sund­greinum.

Fyrir fram er Snæfríður Sól Jórunnar­dóttur talin næst því að komast í undanúr­slit eða úr­slit á HM í ár. Sam­kvæmt út­gefnum kepp­enda­listum er Snæfríður með átjánda besta tímann í 100m skriðsundi og áttunda besta tímann inn í 200m skriðsundi og er þannig næst því að komast í undanúr­slit eða úr­slit af ís­lensku kepp­endunum. Á síðasta HM25 árið 2022 varð hún í 11 sæti í 200m skriðsundi.

Þá segir í til­kynningu frá sund­sam­bandinu að það verði ekki síður spennandi að fylgjast með Snorra Degi Einars­syni stinga sér til sunds á mótinu. Snorri komst í undanúr­slit í 50m bringu­sundi á Evrópu­meistaramótinu í sumar í 50m laug. Þá var Einar Margeir alveg við það að komast í undanúr­slit á EM50 í sumar.

Þeir Birnir Freyr og Guð­mundur Leó eru ungir og efni­legir og hafa báðir náð að komast í undanúr­slit á Evrópu­meistaramóti ung­linga. Það verður því gaman að fylgjast með þeim á stóra sviðinu og hið sama má segja um Völu Dís Cicero, unga sund­konu sem er að stíga sín fyrstu skref á sviði þeirra bestu. Vala Dís er aðeins 16 ára gömul og hefur verið að bæta sig mikið undan­farið ár. Hún gæti komið á óvart á heims­meistaramótinu í ár en hún mun hefja keppni fyrst af Ís­lenska sund­hópnum og synda 400m skriðsund sem er fyrsta grein mótsins á þriðju­daginn.

Strax á eftir henni mun Guð­mundur Leó synda 100m bak­sund og síðan koma þau Símon Elías og Jóhanna Elín, en þau synda bæði 50m flug­sund. Símon Elías setti glæsi­legt nýtt Ís­lands­met í 50 m skriðsundi á ÍM25 í nóvember síðastliðnum Þá keppir Birnir Freyr einnig á þriðju­daginn, en hann syndir 200m fjórsund.