Þau skipa upp­stillingar­nefnd Sjálf­stæðis­manna í Reykja­vík

Albert Guðmundsson, formaður Varðar, segir í samtali við Vísi að tillaga Varðar um að stilla upp á lista flokksins í Reykjavíkurkjördæmunum tveimur, sem samþykkt var á stjórnarfundi Varðar á þriðjudaginn, hafi verið borin upp á fundi kjördæmaráðsins í Valhöll í gærkvöldi og hún samþykkt.

Fimmtán einstaklingar hafi verið kjörnir í uppstillingarnefndina – sjö frá Verði og svo átta á fundinum í gær. Uppstillingarnefndin hafi svo einnig fundað að loknum fundi kjördæmaþingsins í gær og þar hafi Berta verið kjörin formaður.

Þau sem skipa uppstillingarnefndina eru:

Skipuð af stjórn Varðar:

• Auður Björk Guðmundsdóttir (tilnefnd af Málfundafélaginu Óðni)
• Einar Hjálmar Jónsson (tilnefndur af Félagi eldri sjálfstæðismanna í Reykjavík)
• Rósa Kristinsdóttir (tilnefnd af Hvöt, félagi sjálfstæðiskvenna í Reykjavík)
• Sylvía Martinsdóttir (tilnefnd af Heimdalli, félagi ungra sjálfstæðismanna í Reykjavík)
• Berta Gunnarsdóttir (tilnefnd af stjórn Varðar)
• Elín Jónsdóttir (tilnefnd af stjórn Varðar)
• Sigurður Helgi Birgisson (tilnefndur af stjórn Varðar)

Kjörin á fundi kjördæmisráðsins í gær:

• Guðný Halldórsdóttir
• Janus Arn Guðmundsson
• Magnús Júlíusson
• Magnús Þór Gylfason
• Signý Pála Pálsdóttir
• Tjörvi Guðjónsson
• Úlfur Þór Andrason
• Vigfús Bjarni Albertsson

Guðlaugur Þór Þórðarson og Áslaug Arna Sigurbjörnsdóttir leiddu lista Sjálfstæðismanna í Reykjavíkurkjördæmunum tveimur í síðustu kosningum – Guðlaugur Þór í norður og Áslaug Arna í suður. Áslaug Arna lýsti því yfir í morgun að hún vilji áfram leiða liðsta Sjálfstæðismanna í Reykjavíkurkjördæmi suður.

Mikill hiti var í prófkjöri Sjálfstæðisflokksins í Reykjavík fyrir þremur árum þar sem Áslaug Arna Sigurbjörnsdóttir og Guðlaugur Þór Þórðarson börðust af miklum krafti um oddvitasæti flokksins. Þar hafði Guðlaugur Þór betur.