Arnar Þór og Miðflokkur náðu ekki saman

Frá þessu greinir Arnar í samtali við Mbl.is. Hann segir að viðræður við Miðflokkinn hafi staðið yfir í sumar og að þær hafi dregist á langinn. Hann hafi lagt til ýmsar tillögur sem fulltrúar Miðflokksins hafi óskað eftir en ekki fengið efnisleg svör við þeim.

„Þetta í raun fjaraði út. Það komu í raun eng­in viðbrögð. Ég sé svo­lítið eft­ir tím­an­um sem fór í þetta en ég taldi mik­il­vægt að reyna þetta til þraut­ar. Fólk í kring­um mig vildi láta á þetta reyna frek­ar en að stofna nýj­an flokk frá grunni,” segir Arnar við Mbl, en hann segist hafa rætt við Sig­mund Davíð Gunn­laugs­son, formann Miðflokks­ins, og Bergþór Ólason þing­mann.

„Þetta voru góð sam­töl og ég óska þeim alls hins besta. Það get­ur vel farið svo að við náum að vinna sam­an ef ég stofna flokk sem kemst á þing. Þetta er því allt í mestu vin­semd.“