Bein út­sending: Hnatt­rænar á­skoranir Norður­landa

Fjallað verður um hnattrænar áskoranir, m.a. stríðið í Úkraínu, áhrif aðildar Svíþjóðar og Finnlands að Atlantshafsbandalaginu og varnar- og öryggissamstarf Norðurlanda og Eystrasaltsríkjanna á viðburðinum Hnattrænar áskoranir frá sjónarhóli Norðurlanda og Eystrasaltsríkjanna.

Viðburðurinn er á vegum Varðbergs samtaka um vestræna samvinnu og öryggismál og Háskólans í Reykjavík. Viðburðinum verður streymt á netinu og einnig birtur síðar textaður á YouTube og samfélagsmiðlum.

Þátttakendur:

• Diljá Mist Einarsdóttir, formaður utanríkismálanefndar Alþingis;
• Aron Emilsson, formaður utanríkismálanefndar sænska þingsins;
• Irma Kalniņa, varaformaður utanríkismálanefndar lettneska þingsins;
• Ine Eriksen Søreide, formaður utanríkis- og varnarmálanefndar norska þingsins;
• Kimmo Kiljunen, formaður utanríkismálanefndar finnska þingsins;
• Marko Mihkelson, formaður utanríkismálanefndar eistneska þingsins;
• Michael Aastrup Jensen, formaður utanríkismálanefndar danska þingsins;
• Emanuelis Zingeris, formaður utanríkismálanefndar litháíska þingsins.

Opnunarorð: Davíð Stefánsson formaður Varðbergs.

Stjórn pallborðsumræðu: Diljá Mist Einarsdóttir, formaður utanríkismálanefndar Alþingis.

Viðburðurinn fer fram á ensku og er opinn öllum þeim er skrá þátttöku.