Sport

Ætlaði að éta hunda­skít ef liðið hans tapaði en er nú á flótta

Henry Birgir Gunnarsson skrifar
Leikmenn FSU gátu ekkert gegn BC og það olli mörgum vonbrigðum. Þó sérstaklega einum manni.
Leikmenn FSU gátu ekkert gegn BC og það olli mörgum vonbrigðum. Þó sérstaklega einum manni. vísir/getty

Víðtæk leit stendur nú yfir í netheimum að stuðningsmanni Florida State háskólans sem ætlar ekki að standa við stóru orðin sín.

Maðurinn sagðist á X ætla að borða hundaskít úr rauðri skál með skeið ef liðið hans myndi tapa fyrir Boston College í amerískum fótbolta.

Hann átti líklega ekki von á því að tístið hans myndi slá í gegn og að fjöldi miðla vestanhafs myndi fjalla um það. Það er aftur á móti það sem gerðist.

Liðið hans steinlá síðan, 28-13, fyrir Boston og þá var löng röð af fólki sem beið eftir því að sjá hvort hann væri maður orða sinna.

Svo var ekki því maðurinn hefur eytt aðgangi sínum á X og fer eflaust huldu höfði næstu daga.

Háskólabolti NCAA

Mest lesið


Fleiri fréttir

Sjá meira


×

Mest lesið