Þurftu að sætta sig við tap gegn Noregi

Leikurinn í dag fór fram í Henån norðan við Gautaborg en Margrét Magnúsdóttir er þjálfari íslenska liðsins.

Noregur náði forystunni strax á annarri mínútu leiksins en Hrefna Jónsdóttir leikmaður Stjörnunnar jafnaði á 15. mínútu eftir að Ísabella Sara Tryggvadóttir átti skot í þverslána á marki Norðmanna. Noregur náði forystunni á 22. mínútu og var staðan í hálfleik 2-1.

Íslenska liðinu tókst ekki að jafna metin í síðari hálfleik og mátti sætta sig við eins marks tap. Ísland leikur seinni leik sinn á æfingamótinu á mánudag þegar liðið mætir Svíum í Henån.

Byrjunarlið Íslands í dag: Sigurborg Sveinbjörnsdóttir (markvörður), Jóhanna Elín Halldórsdóttir, Jónína Linnet, Helga Rut Einarsdóttir, Ísabella Sara Tryggvadóttir, Kolbrá Una Kristinsdóttir, Emelía Óskarsdóttir, Hrafnhildur Ása Halldórsdóttir, Sigdís Eva Bárðardóttir, Bergdís Sveinsdóttir (fyrirliði) og Hrefna Jónsdóttir.

Varamenn: Herdís Halla Guðbjartsdóttir, Líf Joostdóttir van Bemmel, Ragnheiður Þórunn Jónsdóttir, Anna Rakel Snorradóttir, Ásdís Þóra Böðvarsdóttir, Bríet Jóhannsdóttir, Freyja Stefánsdóttir, Hildur Anna Birgisdóttir, Karlotta Björk Andradóttir,