Bláa lónið kaupir Hoffell og stefnir á baðlón Árni Sæberg skrifar 20. júní 2024 08:40 Frá vinstri: Sigfinnur Mar Þrúðmarsson, Grímur Sæmundsen, Þrúðmar S. Þrúðmarsson, Sigursteinn Árni Brynjólfsson, Marín Ósk Björgvinsdóttir, Hólmfríður Bryndís Þrúðmarsdóttir og Aldís Aþena Björgvinsdóttir. Bláa lónið hf. Bláa Lónið hf. hefur fest kaup á jörðinni Hoffell 2 í Austur-Skaftafellssýslu. Kaupin eru liður í áformum félagsins um uppbyggingu fleiri áhugaverðra áfangastaða á Íslandi. Markmiðið er að móta einstakan stað fyrir ferðamenn, við rætur Hoffellsjökuls og skapa segul sem styrkir Suðausturland sem áfangastað ferðamanna. Í fréttatilkynningu þess efnis segir að seljendur jarðarinnar séu hjónin Þrúðmar Þrúðmarsson og Ingibjörg Steinsdóttir, sem hafi rekið gistiþjónustu og heitar laugar að Hoffelli síðastliðinn áratug. Haft er eftir þeim að þau sé ánægð með frekari uppbyggingu á svæðinu og telji að bætt aðgengi að svæðinu geti aukið aðdráttarafl og samkeppnishæfni Austurlands til framtíðar. „Ferðamennskan hefur byggst upp hægt og rólega hjá okkur í gegnum árin. Margt ferðafólk fer í dagsferðir að Jökulsárlóni frá Reykjavík en fer síðan ekki lengra. Með því að fá vandaða uppbyggingu hér við Hoffell, þá vonandi fjölgar þeim sem gista yfir nótt og fara lengra austur, því hér er ótrúlega margt að sjá og upplifa,“ er haft eftir Ingibjörgu. Útsýni yfir jökullónið Í tilkynningu segir að ppbyggingin verði skammt frá Hoffellsjökli, sem er skriðjökull úr Vatnajökli, með útsýni yfir jökullónið sem þar er. Gestastofa Hoffells verði ný upplýsingamiðstöð með jöklasýningu en þau hjónin, Þrúðmar og Ingibjörg, hafi safnað einstökum heimildum um Hoffellsjökul, þróun og jarðfræði svæðisins. Samhliða þessu hafi Bláa lónið hf. gert samning við Rarik um aðgang að heitu vatni til uppbyggingar á nýjum baðstað við Hoffellsjökul. Endurnýtt vatn Þá segir að baðlónið við Hoffellsjökul verður einstakt á heimsvísu að því leyti að allt vatn sem notað verður, verði endurnýtt. Heitt vatn hafi fyrst fundist í Hoffelli um síðustu aldamót en sú uppgötvun hafi gert Rarik kleift að leggja hitaveitu í nærliggjandi byggðalög. Þeirri framkvæmd hafi lokið árið 2021 og hún hafi þá verið mikið framfaraskref fyrir innviði á svæðinu þar sem hún sjái íbúum fyrir hita og rafmagni og hafi leyst fjarvarmaveitu af hólmi. Jarðvarmaorkan frá hitaveitunni sé forsenda fyrir uppbyggingu baðlónsins við Hoffell. „Það er afskaplega jákvætt fyrir hitaveituna að fá jafn öflugan viðskiptavin og Bláa Lónið hf. Samningurinn er því mikilvægur bæði fyrir Rarik og samfélagið í Hornafirði en nýframkvæmdir eins og hitaveitan í Hoffelli eru þungar í rekstri fyrstu árin. Samningurinn eykur fastar tekjur veitunnar og léttir því uppbygginguna. Afhending á heitu vatni til baðlónsins mun hvorki hafa áhrif á afhendingargetu á heitu vatni til íbúa á Höfn, né á vatnsforða svæðisins. Þetta er tryggt með svokallaðri niðurdælingu sem þýðir að allt vatn sem fer til lónsins fer í gegnum varmaskipti og verður dælt niður í jarðhitakerfið aftur og þannig endurnýtt,“ er haft eftir Magnúsi Þór Ásmundssyni, forstjóra Rarik. Vilja dreifa álaginu Bláa Lónið hf. vinni nú að metnaðarfullri uppbyggingu í ferðaþjónustu víða um land þar sem sjálfbærni, virðing fyrir náttúrunni og ávinningur fyrir nærsamfélagið séu lykilþættir. Félagið vilji stuðla að uppbyggingu ferðamannastaða utan hefðbundinna viðkomustaða og eiga þannig þátt í því að styðja við greinina í heild sinni sem og jafna álag og aðgengi um allt land. Markmiðið sé ætíð að hafa jákvæð áhrif með verkefnum félagsins á nærsamfélagið á hverjum stað og eiga í góðu og uppbyggilegu samstarfi við hagaðila. „Það er okkur afar mikilvægt að fara vel með þau svæði sem við njótum þess heiðurs að fá að byggja upp. Við horfum ávallt til framtíðar og leggjum mikið kapp á að horfa á heildaráhrif hverrar framkvæmdar, hvort sem þau áhrif eru umhverfisleg, samfélagsleg, rekstrarleg eða annað. Verkefnum er aðeins hleypt af stokkunum að vel athuguðu máli og þau gildi eiga við um uppbygginguna við Hoffellsjökul. Það er heiður að njóta trausts til að taka við svæðinu af Þrúðmari og Ingibjörgu og við leggjum mikla áherslu á að varðveita það góða starf sem hjónin hafa unnið,“ er haft eftir Grími Sæmundsen, forstjóra Bláa Lónsins hf.. Þá er haft eftir Sigurjóni Andréssyni, sveitarstjóra Sveitarfélagsins Hornafjarðar að sveitarfélagið fagni metnaðarfullum áformum við Hoffell. „Þétt og gott samtal milli Bláa lónsins hf. og sveitarfélagsins hefur verið til eftirbreytni og baðlónið sem þarna mun rísa nærri stórbrotnum skriðjökli verður einstakt á heimsvísu. Ferðaþjónusta er mikilvæg lykilstoð í atvinnulífi Hornafjarðar og við hlökkum til samstarfsins.“ Bláa lónið Ferðamennska á Íslandi Sveitarfélagið Hornafjörður Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent Kaupfélagið á bak við risaviðskipti í Iceland Seafood Viðskipti innlent „Við munum gæta réttar kröfuhafa í hvívetna“ Viðskipti innlent Isavia gefur strandaglópum engin grið Viðskipti innlent Búið að greiða laun og barnabætur Viðskipti innlent Horfa fram á tugmilljarða samdrátt og bíða í ofvæni eftir loðnufréttum Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Múlakaffi nýtir farþegamiðstöðina yfir veturinn Viðskipti innlent Fleiri fréttir „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play Sjá meira
Í fréttatilkynningu þess efnis segir að seljendur jarðarinnar séu hjónin Þrúðmar Þrúðmarsson og Ingibjörg Steinsdóttir, sem hafi rekið gistiþjónustu og heitar laugar að Hoffelli síðastliðinn áratug. Haft er eftir þeim að þau sé ánægð með frekari uppbyggingu á svæðinu og telji að bætt aðgengi að svæðinu geti aukið aðdráttarafl og samkeppnishæfni Austurlands til framtíðar. „Ferðamennskan hefur byggst upp hægt og rólega hjá okkur í gegnum árin. Margt ferðafólk fer í dagsferðir að Jökulsárlóni frá Reykjavík en fer síðan ekki lengra. Með því að fá vandaða uppbyggingu hér við Hoffell, þá vonandi fjölgar þeim sem gista yfir nótt og fara lengra austur, því hér er ótrúlega margt að sjá og upplifa,“ er haft eftir Ingibjörgu. Útsýni yfir jökullónið Í tilkynningu segir að ppbyggingin verði skammt frá Hoffellsjökli, sem er skriðjökull úr Vatnajökli, með útsýni yfir jökullónið sem þar er. Gestastofa Hoffells verði ný upplýsingamiðstöð með jöklasýningu en þau hjónin, Þrúðmar og Ingibjörg, hafi safnað einstökum heimildum um Hoffellsjökul, þróun og jarðfræði svæðisins. Samhliða þessu hafi Bláa lónið hf. gert samning við Rarik um aðgang að heitu vatni til uppbyggingar á nýjum baðstað við Hoffellsjökul. Endurnýtt vatn Þá segir að baðlónið við Hoffellsjökul verður einstakt á heimsvísu að því leyti að allt vatn sem notað verður, verði endurnýtt. Heitt vatn hafi fyrst fundist í Hoffelli um síðustu aldamót en sú uppgötvun hafi gert Rarik kleift að leggja hitaveitu í nærliggjandi byggðalög. Þeirri framkvæmd hafi lokið árið 2021 og hún hafi þá verið mikið framfaraskref fyrir innviði á svæðinu þar sem hún sjái íbúum fyrir hita og rafmagni og hafi leyst fjarvarmaveitu af hólmi. Jarðvarmaorkan frá hitaveitunni sé forsenda fyrir uppbyggingu baðlónsins við Hoffell. „Það er afskaplega jákvætt fyrir hitaveituna að fá jafn öflugan viðskiptavin og Bláa Lónið hf. Samningurinn er því mikilvægur bæði fyrir Rarik og samfélagið í Hornafirði en nýframkvæmdir eins og hitaveitan í Hoffelli eru þungar í rekstri fyrstu árin. Samningurinn eykur fastar tekjur veitunnar og léttir því uppbygginguna. Afhending á heitu vatni til baðlónsins mun hvorki hafa áhrif á afhendingargetu á heitu vatni til íbúa á Höfn, né á vatnsforða svæðisins. Þetta er tryggt með svokallaðri niðurdælingu sem þýðir að allt vatn sem fer til lónsins fer í gegnum varmaskipti og verður dælt niður í jarðhitakerfið aftur og þannig endurnýtt,“ er haft eftir Magnúsi Þór Ásmundssyni, forstjóra Rarik. Vilja dreifa álaginu Bláa Lónið hf. vinni nú að metnaðarfullri uppbyggingu í ferðaþjónustu víða um land þar sem sjálfbærni, virðing fyrir náttúrunni og ávinningur fyrir nærsamfélagið séu lykilþættir. Félagið vilji stuðla að uppbyggingu ferðamannastaða utan hefðbundinna viðkomustaða og eiga þannig þátt í því að styðja við greinina í heild sinni sem og jafna álag og aðgengi um allt land. Markmiðið sé ætíð að hafa jákvæð áhrif með verkefnum félagsins á nærsamfélagið á hverjum stað og eiga í góðu og uppbyggilegu samstarfi við hagaðila. „Það er okkur afar mikilvægt að fara vel með þau svæði sem við njótum þess heiðurs að fá að byggja upp. Við horfum ávallt til framtíðar og leggjum mikið kapp á að horfa á heildaráhrif hverrar framkvæmdar, hvort sem þau áhrif eru umhverfisleg, samfélagsleg, rekstrarleg eða annað. Verkefnum er aðeins hleypt af stokkunum að vel athuguðu máli og þau gildi eiga við um uppbygginguna við Hoffellsjökul. Það er heiður að njóta trausts til að taka við svæðinu af Þrúðmari og Ingibjörgu og við leggjum mikla áherslu á að varðveita það góða starf sem hjónin hafa unnið,“ er haft eftir Grími Sæmundsen, forstjóra Bláa Lónsins hf.. Þá er haft eftir Sigurjóni Andréssyni, sveitarstjóra Sveitarfélagsins Hornafjarðar að sveitarfélagið fagni metnaðarfullum áformum við Hoffell. „Þétt og gott samtal milli Bláa lónsins hf. og sveitarfélagsins hefur verið til eftirbreytni og baðlónið sem þarna mun rísa nærri stórbrotnum skriðjökli verður einstakt á heimsvísu. Ferðaþjónusta er mikilvæg lykilstoð í atvinnulífi Hornafjarðar og við hlökkum til samstarfsins.“
Bláa lónið Ferðamennska á Íslandi Sveitarfélagið Hornafjörður Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent Kaupfélagið á bak við risaviðskipti í Iceland Seafood Viðskipti innlent „Við munum gæta réttar kröfuhafa í hvívetna“ Viðskipti innlent Isavia gefur strandaglópum engin grið Viðskipti innlent Búið að greiða laun og barnabætur Viðskipti innlent Horfa fram á tugmilljarða samdrátt og bíða í ofvæni eftir loðnufréttum Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Múlakaffi nýtir farþegamiðstöðina yfir veturinn Viðskipti innlent Fleiri fréttir „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play Sjá meira