Vætan minnkar smám saman og birtir til

Í kvöld nálgast svo úrkomusvæði úr vestri, sem er á hraðferð til austurs. Þá bætir í vindinn og búast má við suðvestan átta til 15 metrum á sekúndu í nótt og fer víða að rigna. Fyrst á vestanverðu landinu en svo verður líklega einnig rigning um tíma austantil í fyrramálið. Svo styttir upp síðdegis á morgun og léttir þá til norðan- og austanlands. Hiti 8 til 17 stig á morgun, hlýjast á Austurlandi. Nánar á vef Veðurstofunnar.

Vegir eru víðast hvar greiðfærir en best er að fylgjast með vef Vegagerðarinnar, umferdin.is, áður en lagt er af stað í ferðalag.

Veðurhorfur á landinu næstu daga

Á fimmtudag:

Suðvestan 8-15 m/s, hvassast norðvestantil á landinu. Víða dálítil rigning framan af degi, en þurrt að kalla síðdegis og léttir þá til norðan- og austanlands. Hiti 8 til 17 stig, hlýjast á Austurlandi.

Á föstudag og laugardag:

Suðvestan 8-15 og væta með köflum, en yfirleitt þurrt og bjart norðaustan- og austanlands. Hiti breytist lítið.

Á sunnudag (sjómannadagurinn), mánudag og þriðjudag:

Vestlæg átt og víða þurrt og bjart veður, en skýjað með köflum á vestanverðu landinu. Hiti 7 til 17 stig, hlýjast á Suðausturlandi og Austfjörðum.