Íslenski boltinn

Ólafur frá næstu vikurnar

Runólfur Trausti Þórhallsson skrifar
Ólafur mun ekki leika með FH næstu vikurnar.
Ólafur mun ekki leika með FH næstu vikurnar. Vísir/Diego

Ólafur Guðmundsson, varnarmaður FH, verður frá næstu vikurnar. Hann fór meiddur af velli í sigri liðsins á HK í 3. umferð Bestu deild karla í fótbolta á dögunum.

Frá þessu greinir Fótbolti.net. Þar segir að reiknað sé með að Ólafur verði frá næstu fjórar til sex vikurnar þar sem hann er innra liðband á vinstra hné er tognað. Í stuttu viðtali við Fótbolti.net segir Ólafur að hann stefni á að vera kominn fyrr til baka.

Hinn 22 ára gamli Ólafur hefur byrjað alla þrjá leiki FH til þessa og er fyrirliði FH-liðsins ef Björn Daníel Sverrisson er ekki með. Hann getur leikið bæði sem vinstri bakvörður og miðvörður.

FH er með sex stig að loknum þremur umferðum.

Fótbolti Íslenski boltinn Besta deild karla FH

Mest lesið


Fleiri fréttir

Sjá meira


×

Mest lesið