Tekur við stöðu for­stjóra Securitas

Í tilkynningu segir að Jó­hann hafi áður starfað sem fram­kvæmda­stjóri fjár­mála­sviðs Isa­via, fram­kvæmda­stjóri fjár­mála- og mannauðssviðs Ölgerðar­inn­ar og sem aðstoðarfor­stjóri Icelandic Group.

Jó­hann er lög­gilt­ur end­ur­skoðandi og viðskipta­fræðing­ur frá Há­skóla Íslands.

Haft er eftir Jóhanni Gunnari að hann sé fullur tilhlökkunar að fá tækifæri til að leiða þennan þann öfluga hóp sem starfar hjá Securitas. „Framundan eru gríðarlega spennandi verkefni og mikil tækifæri fyrir þá þjónustu og vörur sem félagið býður uppá. Securitas er mikilvægt fyrirtæki fyrir íslenskt samfélag og brýnt að reksturinn sé stöðugur og stuðli að öryggi og framþróun okkar viðskiptavina með heiðarleika, hjálpsemi og árvekni að leiðarljósi.“

Þá er haft eftir Guðlaugu Kristbjörgu Kristinsdóttur, stjórnarformanni Securitas, að félagið sé að fá einstaklega öflugan leiðtoga í starfið með margþætta reynslu úr fyrri störfum. „Jóhann er framúrskarandi stjórnandi sem leiðir fólk saman og nær því besta úr sínu teymi. Við hlökkum til áframhaldandi samstarfs í uppbyggingu félagsins og að leiða þá vegferð sem framundan er.”