Lífið

Gísli Marteinn lýsir ekki Euro­vision í ár

Oddur Ævar Gunnarsson skrifar
Gísli Marteinn Baldursson hefur lýst Eurovision undanfarin ár.
Gísli Marteinn Baldursson hefur lýst Eurovision undanfarin ár. Vísir/Vilhelm

Gísli Marteinn Baldursson mun ekki lýsa Eurovision söngvakeppninni í ár. Ástæðan er framganga Ísraels á Gasa og viðbrögð forsvarsmanna keppninnar við henni og skortur þar á.

Sjónvarpsmaðurinn upplýsir um þetta á Instagram. Eins og Vísir hefur áður greint frá var óvissa uppi um það hvort Gísli yrði kynnir líkt og undanfarin ár. Áður hefur komið fram að Felix Bergsson verður ekki fararstjóri íslenska hópsins vegna forsetaframboðs og verður Rúnar Freyr Gíslason fararstjóri hans í stað.

Gísli Marteinn segir á Instagram að fyrir sér snúist Eurovision um stemningu og gleði. „Fyrir mér snýst Eurovision um stemningu og gleði og ég finn fyrir hvorugu í keppninni í ár.“

Gísli Marteinn hefur grínast með þátttöku Íslands í Eurovision í föstudagsþáttum sínum og verið opinskár vegna hamfaranna fyrir botni Miðjarðarhafs á samfélagsmiðlinum X. Vísir reyndi í mars að ná tali af Gísla vegna málsins, án árangurs.

Tilkynningu Gísla Marteins í heild má sjá að neðan:

„Til að svara þeim sem hafa spurt: Ég mun ekki lýsa Eurovision í ár. Ástæðan er framganga Ísraels á Gaza og viðbrögð keppninnar við henni, aðallega skortur á þeim. Fyrir mér snýst Eurovision um stemningu og gleði og ég finn fyrir hvorugu í keppninni í ár.“

Eurovision Átök í Ísrael og Palestínu Ríkisútvarpið Fjölmiðlar


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.