Strákarnir okkar í efsta styrk­leika­flokki

Evrópska handknattleikssambandið hefur birt niðurröðun fyrir styrkleikaflokka undankeppninnar en auk Íslands eru Þýskaland, Spánn, Ungverjaland, Króatía, Slóvenía, Portúgal og Holland í efsta styrkleikaflokki. 

Evrópumótið 2026 mun fara fram í Danmörku, Svíþjóð og Noregi og munu 32 lið berjast um tuttugu laus sæti á mótinu í undankeppninni. 

Dregið verður í átta fjögurra liða riðla og er hver riðill skipaður einu liði úr hverjum styrkleikaflokki. Tvö efstu lið að lokinni undankeppninni munu tryggja sér sæti á EM 2026. 

Ísland mun því dragast í riðil með einu liði úr hverjum styrkleikaflokki. Flokkarnir eru eftirfarandi: 

Styrkleikaflokkur 1:

Ísland , Þýskaland, Spánn, Ungverjaland, Króatía, Slóvenía, Portúgal, Holland

Styrkleikaflokkur 2:

Austurríki, Svartfjallaland, Serbía, Pólland, Tékkland, Makedónía, Færeyjar, Grikkland

Styrkleikaflokkur 3:

Bosnía & Herzegóvína, Slóvakía, Belgía, Sviss, Rúmenía, Litháen, Úkraína, Ítalía

Styrkleikaflokkur 4: 

Finnland, Ísrael, Eistland, Georgía, Tyrkland, Lúxemborg, Kosóvó, Lettland.