Beið fótbrotin í viku á Íslandi en komst strax í aðgerð á Spáni Magnús Jochum Pálsson skrifar 16. febrúar 2024 08:10 Fanney Gísladóttir var komin í aðgerð þremur tímum eftir að hún kom á bráðamóttökuna á Spáni. Íslensk kona búsett á Spáni fótbrotnaði í heimsókn á Íslandi. Eftir að hafa beðið í viku eftir aðgerð fékk hún sig fullsadda og flaug til Spánar. Þremur tímum eftir að hún mætti á bráðamóttökuna var hún komin í aðgerð. Fanney Gísladóttir hefur búið á Spáni í tólf ár, er þar með lögheimili og rekur sína eigin snyrtistofu. Hún fer hins vegar reglulega heim til Íslands að heimsækja börnin sín og æskuslóðirnar í Vestmannaeyjum. Af því hún býr á Spáni er hún með evrópskt sjúkratryggingakort. „Ég fer núna 6. febrúar til Íslands. Daginn eftir að ég lendi er ég búin að vera innan við klukkutíma hjá dóttur minni á Selfossi þegar ég fer út að labba með barnabörnin og dett í hálku,“ segir hún. Í kjölfarið var hringt á sjúkrabíl og Fanney flutt á bráðamóttöku Heilbrigðisstofnunar Suðurlands á Selfossi þar sem var tekin af henni röntgenmynd. „Svo var send beiðni á Landspítalann um aðgerð og ég send heim í hálkunni á hækjum,“ segir hún. Og þú sárkvalin? „Já, ég var kvalin. Send heim með þrjátíu stykki parkódín og panódíl sem ég á að taka inn. Í raun er þetta skammtur sem á að duga í þrjá til fjóra daga. Ég er ekki vön að taka sterk verkjalyf þannig ég tók bara eina töflu í einu svo það dugði mér lengur,“ segir Fanney. Við tók löng bið eftir símtali frá spítalanum. Flaug til Spánar frekar en að bíða lengur „Á mánudaginn var ég búin að bíða í fimm daga og hringi þá í Landspítalann til að spyrja hver staðan er. Þar er mér sagt að ég sé ekki komin á lista til að fara í aðgerð á næstu dögum. Þá runnu á mig tvær grímur,“ segir Fanney um biðina. Þegar þú hringir færðu þá að vita hvað það sé langt í aðgerðina? „Nei, ekkert hvar ég er í röðinni eða hvaða dag það verður. Bara að það verði hringt í mig fyrir klukkan tíu einhvern daginn og ég eigi að vera fastandi á hverjum morgni fram að því,“ segir hún. Fanney brotnaði rétt fyrir ofan ökkla og var sárkvalin. Þrátt fyrir það var hún send heim. „Maðurinn minn er þá hér á Spáni og ég hringi í hann. Við tökum ákvörðun samdægurs um að panta flug um kvöldið og ég fæ flug á miðvikudag, tveimur dögum síðar,“ segir Fanney. Hún flaug þá til Spánar með millilendingu í London og var komin um tíuleytið um kvöldið til Spánar. „Ég ákvað að fara strax um morguninn á bráðamóttökuna í Torrevieja-spítala og er komin hingað klukkan níu. Ég fer í skoðun og röntgenmyndatöku og það er verið að preppa mig fyrir aðgerð í hádeginu, þremur tímum eftir að ég mæti,“ segir Fanney um skjóta þjónustuna. Segja þjónustuna betri á Spáni en Íslandi Þau hjónin segjast á sínum tólf árum á Spáni aldrei upplifað viðlíka þjónustu í spænsku heilbrigðiskerfi og Fanney lenti í núna á Íslandi. Kerfið virðist skilvirkara og eftirfylgnin meiri. „Nú erum við búin að vera hér í áratug á Spáni og þurft að nota heilbrigðiskerfið hérna töluvert. Það hefur ekki enn komið upp sú stund ennþá að við höfum þurft að setja út á eitthvað. Það hefur verið rosalega vel hugsað um mann þó hlutirnir gerist ekki strax,“ skýtur Oddur Magnús, eiginmaður Fanneyjar, sem hefur verið að hlusta á símtalið. Þá bætir Fanney við að eftirfylgnin sé mun betri en á Íslandi. Læknar fylgi vel eftir sjúklingum sínum. Mynduð þið segja að kerfið sé skilvirkara og betra á Spáni en hér? „Ég myndi segja það hundrað prósent, ég hef alltaf fengið góða þjónustu hér á Spáni,“ segir Fanney og bætir við „Ég var orðin svo reið inni í mér að bíða svona lengi á Íslandi. Þegar ég fer þarna á miðvikudag þá er kominn sjöundi dagur og ekki enn búið að hringja í mig.“ „Rosalegt að fólk með beinbrot þurfi að bíða alveg upp í tvær vikur eftir aðgerð,“ segir hún að lokum. Spánn Heilbrigðisstofnun Suðurlands Landspítalinn Heilbrigðismál Íslendingar erlendis Mest lesið Átta ár fyrir að bana Bryndísi Klöru Innlent Hætta framleiðslu innanhúss og segja upp fólki Innlent Ellefu slasaðir og þrír alvarlega í Kaupmannahöfn Erlent Ofsakláði grípur Spaugstofumenn Innlent Mun sjá eftir árásinni alla ævi Innlent Segir Jon Øigarden Ingvar E þeirra Norðmanna Innlent Málið áfall fyrir embættið Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Ráðherra vill að leigubílsstjórar tali íslensku Innlent Frekari breytingar í Valhöll Innlent Fleiri fréttir Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Sjá meira
Fanney Gísladóttir hefur búið á Spáni í tólf ár, er þar með lögheimili og rekur sína eigin snyrtistofu. Hún fer hins vegar reglulega heim til Íslands að heimsækja börnin sín og æskuslóðirnar í Vestmannaeyjum. Af því hún býr á Spáni er hún með evrópskt sjúkratryggingakort. „Ég fer núna 6. febrúar til Íslands. Daginn eftir að ég lendi er ég búin að vera innan við klukkutíma hjá dóttur minni á Selfossi þegar ég fer út að labba með barnabörnin og dett í hálku,“ segir hún. Í kjölfarið var hringt á sjúkrabíl og Fanney flutt á bráðamóttöku Heilbrigðisstofnunar Suðurlands á Selfossi þar sem var tekin af henni röntgenmynd. „Svo var send beiðni á Landspítalann um aðgerð og ég send heim í hálkunni á hækjum,“ segir hún. Og þú sárkvalin? „Já, ég var kvalin. Send heim með þrjátíu stykki parkódín og panódíl sem ég á að taka inn. Í raun er þetta skammtur sem á að duga í þrjá til fjóra daga. Ég er ekki vön að taka sterk verkjalyf þannig ég tók bara eina töflu í einu svo það dugði mér lengur,“ segir Fanney. Við tók löng bið eftir símtali frá spítalanum. Flaug til Spánar frekar en að bíða lengur „Á mánudaginn var ég búin að bíða í fimm daga og hringi þá í Landspítalann til að spyrja hver staðan er. Þar er mér sagt að ég sé ekki komin á lista til að fara í aðgerð á næstu dögum. Þá runnu á mig tvær grímur,“ segir Fanney um biðina. Þegar þú hringir færðu þá að vita hvað það sé langt í aðgerðina? „Nei, ekkert hvar ég er í röðinni eða hvaða dag það verður. Bara að það verði hringt í mig fyrir klukkan tíu einhvern daginn og ég eigi að vera fastandi á hverjum morgni fram að því,“ segir hún. Fanney brotnaði rétt fyrir ofan ökkla og var sárkvalin. Þrátt fyrir það var hún send heim. „Maðurinn minn er þá hér á Spáni og ég hringi í hann. Við tökum ákvörðun samdægurs um að panta flug um kvöldið og ég fæ flug á miðvikudag, tveimur dögum síðar,“ segir Fanney. Hún flaug þá til Spánar með millilendingu í London og var komin um tíuleytið um kvöldið til Spánar. „Ég ákvað að fara strax um morguninn á bráðamóttökuna í Torrevieja-spítala og er komin hingað klukkan níu. Ég fer í skoðun og röntgenmyndatöku og það er verið að preppa mig fyrir aðgerð í hádeginu, þremur tímum eftir að ég mæti,“ segir Fanney um skjóta þjónustuna. Segja þjónustuna betri á Spáni en Íslandi Þau hjónin segjast á sínum tólf árum á Spáni aldrei upplifað viðlíka þjónustu í spænsku heilbrigðiskerfi og Fanney lenti í núna á Íslandi. Kerfið virðist skilvirkara og eftirfylgnin meiri. „Nú erum við búin að vera hér í áratug á Spáni og þurft að nota heilbrigðiskerfið hérna töluvert. Það hefur ekki enn komið upp sú stund ennþá að við höfum þurft að setja út á eitthvað. Það hefur verið rosalega vel hugsað um mann þó hlutirnir gerist ekki strax,“ skýtur Oddur Magnús, eiginmaður Fanneyjar, sem hefur verið að hlusta á símtalið. Þá bætir Fanney við að eftirfylgnin sé mun betri en á Íslandi. Læknar fylgi vel eftir sjúklingum sínum. Mynduð þið segja að kerfið sé skilvirkara og betra á Spáni en hér? „Ég myndi segja það hundrað prósent, ég hef alltaf fengið góða þjónustu hér á Spáni,“ segir Fanney og bætir við „Ég var orðin svo reið inni í mér að bíða svona lengi á Íslandi. Þegar ég fer þarna á miðvikudag þá er kominn sjöundi dagur og ekki enn búið að hringja í mig.“ „Rosalegt að fólk með beinbrot þurfi að bíða alveg upp í tvær vikur eftir aðgerð,“ segir hún að lokum.
Spánn Heilbrigðisstofnun Suðurlands Landspítalinn Heilbrigðismál Íslendingar erlendis Mest lesið Átta ár fyrir að bana Bryndísi Klöru Innlent Hætta framleiðslu innanhúss og segja upp fólki Innlent Ellefu slasaðir og þrír alvarlega í Kaupmannahöfn Erlent Ofsakláði grípur Spaugstofumenn Innlent Mun sjá eftir árásinni alla ævi Innlent Segir Jon Øigarden Ingvar E þeirra Norðmanna Innlent Málið áfall fyrir embættið Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Ráðherra vill að leigubílsstjórar tali íslensku Innlent Frekari breytingar í Valhöll Innlent Fleiri fréttir Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Sjá meira
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent