„Sýningar­leikir“ sem gætu leitt til styrks upp á fleiri milljónir króna

Verða rúmlega fjörutíu þjálfarar frá bandarískum háskólum á svæðinu sem og leikirnir verða teknir upp og aðgengilegir hundruðum skóla í Bandaríkjunum. 

Margir af stærstu og bestu háskólum Bandaríkjanna hafa boðað komu sína á leikina um helgina. Má þar nefna skóla á borð við Yale, Brown, Dartmouth og Virgina Tech. Munu þeir sjá yfir 100 íslenska leikmenn, bæði stráka og stelpur, leika listir sínar.

Þetta er ekki í fyrsta sinn sem Soccer & Education stendur fyrir svona leik en sá fyrsti var haldinn árið 2016. Síðan þá hefur fyrirtækið vaxið fiskur um hrygg. 

Í fljótu bragði er hugmyndin bakvið Soccer & Education mjög einföld. Um er að ræða fyrirtæki sem aðstoðar íslenskt íþróttafólkvið að komast á íþróttastyrk hjá hinum ýmsu háskólum í Bandaríkjunum.

Molar um Soccer & Education

• Stofnað árið 2015
• Aðstoðað tæplega 450 leik- og námsmenn
• Fótbolti, körfubolti, golf, sund og frjálsar íþróttir
• 90 prósent farið á fótboltastyrk en hinar íþróttirnar eru í stöðugum vexti
• Samtals hafa leikmenn á vegum S & E fengið styrki fyrir um og yfir sex milljarða íslenskra króna
• Flestir Íslendingar hafa endað í skólum í Flórída, New York, Norður-Karólínu og Kaliforníu

Allar nánari upplýsingar er að finna á vefsíðu Soccer & Education. 

Þá eru þau virk á samfélagsmiðlum á borð við Facebook, Instagram og Tiktok.

Leikirnir verða spilaðir í Miðgarði, Garðabæ, frá 16:00-20:00 bæði á laugar- og sunnudag.