FKA Viðurkenningarhátíðin er haldin árlega og fór fram á Hótel Reykjavík Grand. Þrjár konur voru verðlaunaðar:
- Tanya Zharov, aðstoðarforstjóri Alvotech sem er FKA viðurkenningarhafi 2024.
- Inga Tinna Sigurðardóttir stofnandi Dineout sem er FKA hvatningarviðurkenningarhafi 2024.
- Guðlaug Rakel Guðjónsdóttir nýr forstjóri Heilbrigðisstofnunar Suðurnesja er FKA þakkarviðurkenningarhafi 2024.
Sérstök dómnefnd fór yfir allar tilnefningar, sem bárust frá almenningi og atvinnulífinu, og völdu eina í hverjum flokki sem voru heiðraðar.

FKA Viðurkenningin er veitt fyrir vel unnin störf í þágu atvinnureksturs kvenna eða þeim sem hafa verið eða er konum í atvinnulífinu sérstök hvatning og fyrirmynd. Hvatningarviðurkenning FKA er veitt konu í atvinnulífinu fyrir athyglisvert frumkvæði eða nýjungar í atvinnurekstri. Þakkarviðurkenning FKA er veitt konu fyrir eftirtektarvert ævistarf sem stjórnanda í atvinnulífinu.
Silla Páls ljósmyndari myndaði verðlaunahafa og gesti í bak og fyrir.




























