Glódís Perla Viggósdóttir var á sínum stað í liði Bayern á meðan Karólína Lea Vilhjálmsdóttir, sem er á láni frá Bayern, var í byrjunarliði Bayer Leverkusen.
Miðvörðurinn Magdalena Eriksson kom ríkjandi meisturum Bayern yfir strax á 6. mínútu eftir sendingu frá Klöru Bühl. Það reyndist eina mark fyrri hálfleiks en heimaliðið gerði út um leikinn snemma í síðari hálfleik.
Ein frühes Tor sichert uns die Führung zur Halbzeit! Nachlegen in Hälfte zwei, Mädels! #FCBB04 | 1:0 | 45' pic.twitter.com/X7KJxFY2T0
— FC Bayern Frauen (@FCBfrauen) December 11, 2023
Guilia Gwinn kom Bayenr í 2-0 á 53. mínútu og fimm mínútum síðar bætti Jovana Damnjanović við þriðja markinu. Staðan orðin 3-0 og reyndust það lokatölur leiksins. Bæði Glódís Perla og Karólína Lea spiluðu allan leikinn.
Bayern er komið á topp deildarinnar með 23 stig, stigi meira en Wolfsburg þegar bæði lið hafa leikið 9 leiki. Leverkusen er á sama tíma í 7. sæti með 13 stig en liðið hefur nú leikið fjóra leiki án sigurs.
