Innlent

Þremur sleppt en gæslu­varð­hald tveggja fram­lengt

Árni Sæberg skrifar
Frá vettvangi í Silfratjörn þann 2. nóvember.
Frá vettvangi í Silfratjörn þann 2. nóvember. Stöð 2/Arnar

Tveir hafa verið úrskurðaðir í áframhaldandi gæsluvarðhald í tengslum við skotárásina í Silfratjörn í Úlfarsárdal í byrjun mánaðar. Þremur var sleppt úr haldi.

Í fréttatilkynningu þess efnis segir að mennirnir tveir hafi verið úrskurðaðir í gæsluvarðhald til miðvikudagsins 6. desember. Það hafi verið gert á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á skotárásinni.

Fimm voru úrskurðaðir í gæsluvarðhald fram til dagsins í dag á föstudag í síðustu viku.

Í tilkynningu segir að ekki hafi verið fram á áframhaldandi gæsluvarðhald yfir þeim þremur sem nú eru lausir. Þá segir að ekki sé hægt að veita frekari upplýsingar að svo stöddu.

Skotárás á Silfratjörn Lögreglumál Reykjavík

Tengdar fréttir

Krefjast áframhaldandi gæsluvarðhalds yfir öllum fimm

Gæsluvarðhald yfir fimm mönnum, sem grunaðir eru um aðild að skotárásinni að Silfratjörn í Úlfarsárdal þann 2. nóvember síðastliðinn, rennur út í dag. Lögreglan á höfuðborgarsvæðinu mun krefjast áframhaldandi gæsluvarðhalds yfir öllum fimm.

Slepptu einum úr haldi en vilja halda fimm lengur

Lögreglan á höfuðborgarsvæðinu sleppti einum, sem handtekinn var í tengslum við skotárás í Úlfarsárdal, úr gæsluvarðhaldi í gær. Eftir hádegi verður gerð krafa um áframhaldandi gæsluvarðhald yfir fimm sem grunaðir eru um aðild að árásinni.

Áhyggjufullur nágranni lýsir stöðugu partýstandi

Íbúi í fjölbýlishúsi við Silfratjörn í Úlfarsárdal segir mikið partýstand hafa verið í íbúð á þriðju hæð fjölbýlishúss þar sem maður var skotinn um fimmleytið í nótt. Íbúðin er í eigu Félagsbústaða.

Mest lesið


Fleiri fréttir

Sjá meira


×

Mest lesið