Handbolti

Viggó reyndist sínu gamla fé­lagi erfiður ljár í þúfu

Runólfur Trausti Þórhallsson skrifar
Viggó var magnaður í kvöld.
Viggó var magnaður í kvöld. Leipzig

Viggó Kristjánsson var frábær þegar Leipzig lagði Stuttgart með sex marka mun í þýsku úrvalsdeildinni í handbolta, 36-30. Viggó lék áður með Stuttgart og er án efa sárt saknað.

Eftir erfiða byrjun á tímabilinu hefur Leipzig verið að snúa við kútnum og nú unnið fjóra af síðustu sjö leikjum sínum í deildinni. Eftir tap í síðasta leik rétti liðið úr kútnum í dag og var það að mörgu leyti Viggó að þakka.

Viggó og Franz Semper voru markahæstir í liði Leipzig með 8 mörk hvor en Viggó gaf einnig eina stoðsendingu. Andri Már Rúnarsson skoraði þrjú mörk og gaf tvær stoðsendingar í liði Leipzig en faðir hans, Rúnar Sigtryggsson, er þjálfari liðsins.

Leipzig er í 9. sæti með 12 stig að loknum 13 leikjum.

Handbolti Þýski handboltinn

Mest lesið


Fleiri fréttir

Sjá meira


×

Mest lesið