Innlent

Reykræstu á Land­spítalanum en fundu engan eld

Vésteinn Örn Pétursson skrifar
Eldurinn kom upp í loftstokkarými undir gangi í kjallara spítalans.
Eldurinn kom upp í loftstokkarými undir gangi í kjallara spítalans. Vísir/Vilhelm

Slökkviliðið á höfuðborgarsvæðinu hefur lokið störfum á Landspítalanum við Hringbraut. Reykræst var í loftstokkarými undir gangi í kjallara hússins, en enginn eldur fannst. 

Þetta staðfestir varðstjóri hjá slökkviliðinu í samtali við fréttastofu. Reykkafarar á vettvangi hafi leitað eldsupptaka í rýminu en ekkert fundið.

„Það var bara reykræst og enginn eldur sem var til staðar,“ segir hann og bætir við að grunur sé um að eitthvað í rýminu hafi brunnið yfir. Það liggi þó ekki fyrir. Slökkvilið hefur nú lokið störfum á vettvangi.

„Það var reykræst, kerfið endurstillt og málinu reddað.“

Fréttin var uppfærð klukkan 23:32.

Slökkvilið Reykjavík Landspítalinn

Mest lesið


Fleiri fréttir

Sjá meira


×

Mest lesið