Elísa­bet nýr fram­kvæmda­stjóri á­hættu­stýringar Kviku

Í fréttatilkynningu þess efnis segir að Elísabet hafi mikla reynslu á fjármálamarkaði en hún hafi starfað hjá Kviku banka frá árinu 2021 þar sem hún hafi leitt markaðsfjármögnun bankans. 

Elísabet hafi starfað um tíu ára skeið við áhættustýringu hjá J.P. Morgan, fyrst í New York við stýringu markaðs- og mótaðilaáhættu bankans, og síðar í London þar sem hún stýrði veltubók með skuldatryggingar og sambankalán. Við heimkomu árið 2017 hafi Elísabet hafið störf í fjárstýringu Landsbankans áður en hún gekk til liðs við Kviku.

Elísabet er fjármálaverkfræðingur að mennt og lauk meistaraprófi við Cornell háskóla árið 2008 og B.Sc. prófi í byggingarverkfræði frá Háskóla Íslands auk þess að hafa lokið prófi í verðbréfaviðskiptum og diplóma námi sem viðurkenndur stjórnarmaður.