Antony yfirheyrður af lögreglunni í Manchester

Það er BBC sem greinir frá en Antony er mættur aftur til Bretlandseyja eftir að hafa eytt undanförnum vikum í heimalandi sínu, Brasilíu. 

Antony hefur staðfastlega neitað sök en fyrrum unnusta hans, Gabriela Cavalin, sakar Antony um heimilisofbeldi. Í kjölfar ásakana Gabrielu stigu fleiri konur fram og sökuðu Antony einnig um ofbeldi. 

BBC segir Antony reiðubúinn til þess að gefa lögreglunni í Greater Manchester aðgang að síma sínum til þess að hjálpa til við rannsókn málsins. Þá mun hann svara þeim spurningum sem lögregluyfirvöld kunni að hafa varðandi málið.

Leikmaðurinn er kominn í ótímabundið leyfi frá störfum sínum hjá Manchester United, á fullum launum, á meðan rannsókn málsins er í gangi.