„Ég hef oft litið á mig sem stóru systur allra“ Íris Hauksdóttir skrifar 12. ágúst 2023 20:01 Sólrún Klara Þórisdóttir, forstöðukona Hinsegin félagsmiðstöðvarinnar. Vilhelm/Vísir Sólrún Klara Þórisdóttir forstöðukona Hinsegin félagsmiðstöðvarinnar segir brýnt að tryggja hinsegin ungmennum öruggt umhverfi. Árið 2015 gerðu Samtökin ‘78 og Tjörnin - frístundamiðstöð, þá Kampur, með sér þjónustusamning. Tjörnin rekur félagsmiðstöð og nýtir til þess faglega þekkingu ásamt reynslu með að vinna með börnum á meðan Samtökin ‘78 bera ábyrgð á sjálfboðaliðum og hinseginmálum. Hrefna Þórarinsdóttir hefur starfað sem forstöðukona Hinsegin félagsmiðstöðvarinnar frá stofnun en er sem stendur í fæðingarorlofi. Sólrún Klara gegnir því stöðu hennar sem stendur. Hún segir félagsmiðstöðina mikilvægan vettvang fyrir ungmenni að spegla sig við aðra unglinga sem eru í sambærilegum hugleiðingum eða að upplifa svipaða hluti í lífinu. „Hinsegin börn og ungmenni hafa því miður of mörg upplifað aðkast og fordóma í tengslum við hinseginleika sinn og því er svo afar mikilvægt að við veitum þeim öruggt umhverfi og séum til staðar fyrir þau. Við erum í miklu samstarfi við aðrar félagsmiðstöðvar, bæði í borginni sem og um allt land, skóla, foreldra og aðstandendur. Hinsegin starf hefur verið að styrkjast í öðrum sveitarfélögum og það er mikilvægt að halda áfram að efla það mikilvæga starf og sjá til þess að öll sveitarfélög tryggi ungu hinsegin fólki öruggt umhverfi.“ Sólrún segist finna fyrir gríðarlegri aukningu í heimsóknum ungmenna í félagsmiðstöðina á milli ára. Vilhelm/Vísir Mikil aukning milli ára Frá opnun félagsmiðstöðvarinnar hefur ásóknin einungis aukist. Árið 2021 var meðaltalsmæting á hverja opnun sem taldi 111 ungmenni, í heildina voru 3100 heimsóknir í félagsmiðstöðina en það var 11% aukning frá árinu áður. Það eru fleiri og fleiri ungmenni sem finna öryggið í að mæta á opnanirnar hjá Hinsegin félagsmiðstöðinni en í mars 2023 var meðalfjöldi heimsókna per opnun 126. Sólrún segir að eins og staðan sé í dag hafi félagsmiðstöðin einungis fjármagn á að halda úti einni opnun á viku, öll þriðjudagskvöld frá kl. 19:30 til 21:45. „Það væri draumur að geta bætt við opnunum og fá meiri stöðugleika í starfsemina fyrir ungmennin en til þess þarf meira fjármagn.“ Fjölbreyttur hópur fastagesta Veturinn 2022-2023 var sett á lagnirnar tilraunaverkefni að halda úti opnun einu sinni í viku fyrir 10-12 ára. „Það gekk mjög vel, aðsóknin var góð en um 20-30 ungmenni mættu á hverja opnun sem sýnir að það er þörf fyrir þessum stuðningi. Það er óskandi að geta haldið því áfram þar sem við vorum komin með fastagesti og fjölbreyttan hóp sem fann fyrir miklu öryggi að geta mætt og fengið stuðning. Það er þó tvísýnt hvort hægt sé að halda því starfi áfram vegna skorts á fjármagni og það er erfitt að hugsa til þess að þessi ungmenni þurfi að bíða í nokkur ár eftir að geta mætt á opnun fyrir næsta aldursbil.“ Sólrún segir að meðaltali sex til átta starfsmenn sinni sjálfboðastarfi fyrir félagsmiðstöðina. Vilhelm/Vísir Fjármagn fyrir einn starfsmann í fullu starfi „Markmið starfseminnar er að vinna markvisst að því að bæta lýðheilsu hinsegin barna, unglinga og ungmenna og vinna gegn fordómum, mismunun og einelti sem beinist gegn hinsegin börnum í skóla og frístundastarfi. Eins og staðan er núna hefur Hinsegin félagsmiðstöðin einungis fjármagn fyrir einu 100% starfsfólki og tveimur hlutastarfsfólki en að meðaltali eru sex til átta sjálfboðaliðar sem manna vaktirnar til að geta tekið á móti þeim fjölda ungmenna sem mæta í hverri viku.“ Fólk á öllum aldri verður fyrir aðkasti Hvernig blasir umræðan um stöðu hinsegin fólks við þér? „Á sama tíma og viðurkenning hinsegin fólks, umræðan og athyglin er orðin meiri þá fylgir því oft einhvers konar fáfræði og lítillækkun hjá vissum hópi fólks sem telur að baráttan sé ekki lengur þörf og að öll séu orðin jöfn. Að það þurfi ekki að berjast fyrir neinu lengur, hvað þá á Íslandi. Það er bara ekki rétt. Fólk á öllum aldri verður ennþá fyrir aðkasti og fordómum, hvort sem það er úti á götu, á vinnumarkaði, í skóla eða jafnvel heima hjá sér. Það er nóg eftir af baráttunni og við erum öll ennþá að læra og betrumbæta okkur.“ Með óbilandi áhuga á að vinna með börnum og unglingum Spurð hvað það hafi verið sem dró Sólrúnu að starfinu segir hún það fyrst og fremst spretta frá áhuga sínum að starfa með börnum og unglingum. „Þegar ég fékk að kynnast félagsmiðstöðvastarfi á mínum unglingsárum í Hagaskóla spratt upp mikill áhugi á því að vinna með börnum og unglingum í framtíðinni. Sumarið 2016, þá 19 ára, byrjaði ég að vinna sem frístundaleiðbeinandi í Selinu, frístundaheimili Melaskóla. Ég vann þar í sex ár ásamt því að vinna sem stuðningsfulltrúi í Melaskóla um tíma. Sumarið 2019 færði ég mig yfir í félagsmiðstöðina Frosta þar sem eru krakkar á eldra stigi grunnskóla og hef unnið þar í að verða fjögur ár. Mér var boðið að taka við sem aðstoðarforstöðukona Frosta sumarið 2022 og eftir næstum ár í því starfi fékk ég það frábæra boð að leysa Hrefnu af sem forstöðukona í Hinsegin félagsmiðstöðinni. Ég er ótrúlega spennt fyrir komandi skólaári og ætla að gera mitt allra besta til að halda þessari mikilvægu starfsemi gangandi.“ Ekkert meira gefandi Spurð hvernig hún lýsir starfi sínu segir Sólrún það fyrst og fremst snúast um að skapa gott umhverfi fyrir börnin og sömuleiðis starfsfólkið. „Hlutverk mitt með börnunum er að vera til staðar og taka öllum alveg eins og þau eru, kynnast þeim, gefa þeim ráð og vera vinur. Ég hef oft litið á mig sem stóru systur allra. Mér finnst ótrúlega gaman að taka þátt í öllu því sem börnin gera á opnunum. Ég verð sjálf stundum unglingur í mér og finnst ótrúlega gaman að fara í leiki, spila, spjalla og hvað sem annað er. Annars fylgir starfinu að vera reiðubúin öllu. Þetta er svo ótrúlega fjölbreytt starf að engin vika er eins. Maður er alltaf á tánum en það er akkúrat það sem ég dýrka við þetta starf. Ég get ekki ímyndað mér neitt meira gefandi en að vera til staðar fyrir þessi börn og á sama tíma og þau eru að læra um lífið í gegnum þessi mótandi ár að þá læri ég sjálf fullt í leiðinni.“ Málefni trans fólks Hinsegin Mest lesið Bjargaði lífi systur sinnar ellefu ára gömul Lífið Svona verður dagskráin á Menningarnótt Lífið Níu ástæður fyrir því að stunda morgunkynlíf Lífið Serena Williams opnar sig um notkun þyngdarstjórnunarlyfja Lífið Fréttatía vikunnar: Svíþjóð, sektir og vextir Lífið Ný viðbygging við Þjóðleikhúsið „langþráður draumur“ Menning Mamman grét, eiginmaðurinn fraus en Veru var létt Lífið Woody Allen aðalnúmerið hjá Rússum Bíó og sjónvarp Hlynur Pálmason með þrennu í San Sebastian Bíó og sjónvarp HAF-hjónin breyta vídjóleigu í bakarí Lífið Fleiri fréttir Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig Sjá meira
Árið 2015 gerðu Samtökin ‘78 og Tjörnin - frístundamiðstöð, þá Kampur, með sér þjónustusamning. Tjörnin rekur félagsmiðstöð og nýtir til þess faglega þekkingu ásamt reynslu með að vinna með börnum á meðan Samtökin ‘78 bera ábyrgð á sjálfboðaliðum og hinseginmálum. Hrefna Þórarinsdóttir hefur starfað sem forstöðukona Hinsegin félagsmiðstöðvarinnar frá stofnun en er sem stendur í fæðingarorlofi. Sólrún Klara gegnir því stöðu hennar sem stendur. Hún segir félagsmiðstöðina mikilvægan vettvang fyrir ungmenni að spegla sig við aðra unglinga sem eru í sambærilegum hugleiðingum eða að upplifa svipaða hluti í lífinu. „Hinsegin börn og ungmenni hafa því miður of mörg upplifað aðkast og fordóma í tengslum við hinseginleika sinn og því er svo afar mikilvægt að við veitum þeim öruggt umhverfi og séum til staðar fyrir þau. Við erum í miklu samstarfi við aðrar félagsmiðstöðvar, bæði í borginni sem og um allt land, skóla, foreldra og aðstandendur. Hinsegin starf hefur verið að styrkjast í öðrum sveitarfélögum og það er mikilvægt að halda áfram að efla það mikilvæga starf og sjá til þess að öll sveitarfélög tryggi ungu hinsegin fólki öruggt umhverfi.“ Sólrún segist finna fyrir gríðarlegri aukningu í heimsóknum ungmenna í félagsmiðstöðina á milli ára. Vilhelm/Vísir Mikil aukning milli ára Frá opnun félagsmiðstöðvarinnar hefur ásóknin einungis aukist. Árið 2021 var meðaltalsmæting á hverja opnun sem taldi 111 ungmenni, í heildina voru 3100 heimsóknir í félagsmiðstöðina en það var 11% aukning frá árinu áður. Það eru fleiri og fleiri ungmenni sem finna öryggið í að mæta á opnanirnar hjá Hinsegin félagsmiðstöðinni en í mars 2023 var meðalfjöldi heimsókna per opnun 126. Sólrún segir að eins og staðan sé í dag hafi félagsmiðstöðin einungis fjármagn á að halda úti einni opnun á viku, öll þriðjudagskvöld frá kl. 19:30 til 21:45. „Það væri draumur að geta bætt við opnunum og fá meiri stöðugleika í starfsemina fyrir ungmennin en til þess þarf meira fjármagn.“ Fjölbreyttur hópur fastagesta Veturinn 2022-2023 var sett á lagnirnar tilraunaverkefni að halda úti opnun einu sinni í viku fyrir 10-12 ára. „Það gekk mjög vel, aðsóknin var góð en um 20-30 ungmenni mættu á hverja opnun sem sýnir að það er þörf fyrir þessum stuðningi. Það er óskandi að geta haldið því áfram þar sem við vorum komin með fastagesti og fjölbreyttan hóp sem fann fyrir miklu öryggi að geta mætt og fengið stuðning. Það er þó tvísýnt hvort hægt sé að halda því starfi áfram vegna skorts á fjármagni og það er erfitt að hugsa til þess að þessi ungmenni þurfi að bíða í nokkur ár eftir að geta mætt á opnun fyrir næsta aldursbil.“ Sólrún segir að meðaltali sex til átta starfsmenn sinni sjálfboðastarfi fyrir félagsmiðstöðina. Vilhelm/Vísir Fjármagn fyrir einn starfsmann í fullu starfi „Markmið starfseminnar er að vinna markvisst að því að bæta lýðheilsu hinsegin barna, unglinga og ungmenna og vinna gegn fordómum, mismunun og einelti sem beinist gegn hinsegin börnum í skóla og frístundastarfi. Eins og staðan er núna hefur Hinsegin félagsmiðstöðin einungis fjármagn fyrir einu 100% starfsfólki og tveimur hlutastarfsfólki en að meðaltali eru sex til átta sjálfboðaliðar sem manna vaktirnar til að geta tekið á móti þeim fjölda ungmenna sem mæta í hverri viku.“ Fólk á öllum aldri verður fyrir aðkasti Hvernig blasir umræðan um stöðu hinsegin fólks við þér? „Á sama tíma og viðurkenning hinsegin fólks, umræðan og athyglin er orðin meiri þá fylgir því oft einhvers konar fáfræði og lítillækkun hjá vissum hópi fólks sem telur að baráttan sé ekki lengur þörf og að öll séu orðin jöfn. Að það þurfi ekki að berjast fyrir neinu lengur, hvað þá á Íslandi. Það er bara ekki rétt. Fólk á öllum aldri verður ennþá fyrir aðkasti og fordómum, hvort sem það er úti á götu, á vinnumarkaði, í skóla eða jafnvel heima hjá sér. Það er nóg eftir af baráttunni og við erum öll ennþá að læra og betrumbæta okkur.“ Með óbilandi áhuga á að vinna með börnum og unglingum Spurð hvað það hafi verið sem dró Sólrúnu að starfinu segir hún það fyrst og fremst spretta frá áhuga sínum að starfa með börnum og unglingum. „Þegar ég fékk að kynnast félagsmiðstöðvastarfi á mínum unglingsárum í Hagaskóla spratt upp mikill áhugi á því að vinna með börnum og unglingum í framtíðinni. Sumarið 2016, þá 19 ára, byrjaði ég að vinna sem frístundaleiðbeinandi í Selinu, frístundaheimili Melaskóla. Ég vann þar í sex ár ásamt því að vinna sem stuðningsfulltrúi í Melaskóla um tíma. Sumarið 2019 færði ég mig yfir í félagsmiðstöðina Frosta þar sem eru krakkar á eldra stigi grunnskóla og hef unnið þar í að verða fjögur ár. Mér var boðið að taka við sem aðstoðarforstöðukona Frosta sumarið 2022 og eftir næstum ár í því starfi fékk ég það frábæra boð að leysa Hrefnu af sem forstöðukona í Hinsegin félagsmiðstöðinni. Ég er ótrúlega spennt fyrir komandi skólaári og ætla að gera mitt allra besta til að halda þessari mikilvægu starfsemi gangandi.“ Ekkert meira gefandi Spurð hvernig hún lýsir starfi sínu segir Sólrún það fyrst og fremst snúast um að skapa gott umhverfi fyrir börnin og sömuleiðis starfsfólkið. „Hlutverk mitt með börnunum er að vera til staðar og taka öllum alveg eins og þau eru, kynnast þeim, gefa þeim ráð og vera vinur. Ég hef oft litið á mig sem stóru systur allra. Mér finnst ótrúlega gaman að taka þátt í öllu því sem börnin gera á opnunum. Ég verð sjálf stundum unglingur í mér og finnst ótrúlega gaman að fara í leiki, spila, spjalla og hvað sem annað er. Annars fylgir starfinu að vera reiðubúin öllu. Þetta er svo ótrúlega fjölbreytt starf að engin vika er eins. Maður er alltaf á tánum en það er akkúrat það sem ég dýrka við þetta starf. Ég get ekki ímyndað mér neitt meira gefandi en að vera til staðar fyrir þessi börn og á sama tíma og þau eru að læra um lífið í gegnum þessi mótandi ár að þá læri ég sjálf fullt í leiðinni.“
Málefni trans fólks Hinsegin Mest lesið Bjargaði lífi systur sinnar ellefu ára gömul Lífið Svona verður dagskráin á Menningarnótt Lífið Níu ástæður fyrir því að stunda morgunkynlíf Lífið Serena Williams opnar sig um notkun þyngdarstjórnunarlyfja Lífið Fréttatía vikunnar: Svíþjóð, sektir og vextir Lífið Ný viðbygging við Þjóðleikhúsið „langþráður draumur“ Menning Mamman grét, eiginmaðurinn fraus en Veru var létt Lífið Woody Allen aðalnúmerið hjá Rússum Bíó og sjónvarp Hlynur Pálmason með þrennu í San Sebastian Bíó og sjónvarp HAF-hjónin breyta vídjóleigu í bakarí Lífið Fleiri fréttir Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig Sjá meira