Onana búinn að skrifa undir og fer með til Banda­ríkjanna

Frá þessu er greint á The Athletic. Þar segir að hinn 27 ára gamli Onana skrifi undir fimm ára samning með möguleika á árs framlengingu. Hann er því samningsbundinn til 2028 hið minnsta.

Talið er að Man Utd greiði 55 milljónir evra (8 milljarða íslenskra króna) fyrir þennan fyrrum markvörð Ajax og Inter frá Mílanó.

Man Utd hefur verið í leit að markverði frá því að síðasta tímabil lauk. Eftir að ákveðið var að framlengja ekki við David De Gea varð það forgangsatriði númer eitt að ganga frá kaupunum á Onana.

Nú þurfa félögin aðeins að skrifa undir síðustu pappírana til að kaupin fari í gegn. The Athletic telur að það gerist á næsta sólahringnum og Man United tilkynni kaupin sömuleiðis á næstu 24 tímum.