Aðgerð Gísla heppnaðist vel en EM stendur tæpt

Aðgerðin var framkvæmd á Schulthess sjúkrahúsinu í Zurich í Sviss.

Magdeburg sagði frá því á miðlum sínum í dag að aðgerð Gísla hafi heppnaðist vel sem eru góðar fréttir fyrir alla ekki síst fyrir Gísla og íslenska handboltalandsliðið.

Búist er hins vegar við því að Gísli verði frá í sex mánuði og að Magdeburg reikni ekki með honum fyrr en eftir vetrarfríið.

Það þýðir væntanlega það að Gísli spilar ekkert fyrir Evrópumótið í janúar og mun því að öllum líkindum ekki vera með íslenska landsliðinu á því móti. EM stendur því mjög tæpt eins og staðan er núna.

Gísli meiddist í undanúrslitunum en náði að tjasla sér saman fyrir úrslitaleikinn þar sem hann var í lykilhlutverki að landa sigri.

Gísli var síðan kosinn mikilvægasti leikmaður úrslitahelgarinnar.

Gísli gat vissulega spilað úrslitaleikinn en það var alltaf vitað að hann þyrfti að gangast undir aðgerð.