Fram­lengdi samning sinn eftir að hún sigraðist á krabba­meini

Beattie samdi við Arsenal öðru sinni ári áður en hún greindist með krabbamein. Hún hélt áfram að æfa og spila með félaginu þrátt fyrir að gangast undir geislameðferð. Beattie staðfesti svo fyrr á þessu ári að krabbameinið væri á bak og burt. Til að toppa gott ár þá framlengdi hún á dögunum samning sinn við Skytturnar.

„Ég er svo glöð að hafa skrifað undir nýjan samning. Ég elska félagið og fólkið sem ég vinn með,“ sagði hún við undirskriftina.

„Jen er fyrirmyndar atvinnumaður og ég er ánægður með að hún verði áfram hluti af hópnum okkar á næstu leiktíð,“ bætti Jonas Eidevall, þjálfari Arsenal, við.

Alls hefur Beattie spilað 157 leiki fyrir Arsenal og skoraði í þeim 32 mörk. Síðasta mark hennar kom gegn Wolfsburg í undanúrslitum Meistaradeildar Evrópu á síðustu leiktíð. Þá hjálpaði hún Arsenal að vinna enska deildarbikarinn, þeirra fyrsti titill síðan 2019.

Þá hefur þessi öflugi varnarmaður spilað 143 A-landsleiki fyrir Skotland og skorað í þeim 24 mörk.