Lést við að bjarga dóttur sinni

Dustin Harker, taugasjúkdómafræðingur frá Kansas, er faðirinn sem um ræðir. Camille, þrettán ára dóttir hans festist undir bátnum þegar hann fór á hvolf. Harker tókst að snúa bátnum við og koma dóttur sinni og sjálfum sér aftur um borð í bátinn.

Þau, ásamt öllum öðrum sem voru í bátnum, komust aftur í land. Þegar þangað var komið var Harker að tala en skömmu síðar missti hann meðvitund. Sharon Neu Young, mágkona Harker, segir í yfirlýsingu, sem birt var í staðarmiðlinum Cañon City Daily Record að skyndihjálp hafi ekki borið árangur. 

Upphaflega var talið að Harker hafi drukknað en við krufningu kom í ljós að hann hafi látið lífið vegna tveggja blæðinga í heila. „Þeir telja að höfuð hans hafi rekist í steina í ánni þegar hann kastaðist frá bátnum,“ segir Young í samtali við CBS.

Harker lætur eftir sig eiginkonu og þrettán börn. Yngsta barnið er fjögurra ára gamalt en það elsta er tuttugu og þriggja.