Bílarnir sem Kaninn skildi eftir

Aníta Guðlaug Axelsdóttir skrifar 7. maí 2023 07:01

Bíll á Ikatek flugvelli, skilinn eftir og orðinn að minjagrip. RAX

Að ramba á stað sem eitt sinn iðaði af lífi en er nú í eyði er sérstök upplifun. Ikatek flugvöllur á Grænlandi er þannig staður. Hann var byggður af Bandaríkjaher í seinna stríði og notaður sem varaflugvöllur þar sem flugvélar á þessum slóðum gátu fengið olíu. Bílar, olíutunnur og leifar af flugskýlum og skálum standa á svæðinu innan um tignarleg fjöllin í kring og hafa ekki verið hreyfð eða notuð frá því að stríðinu lauk.

„Þetta er orðið eins og skúlptúrar í ofsalega fallegum fjallasal.“

Það sem heillaði RAX mest af þessum minjum, sem deilt er um hvort að eigi að fjarlægja eða ekki, voru bílarnir sem horfðu á hann með brotnum luktum og virtust hafa frá einhverju að segja.

„Þeir stara á þig og horfa á þig og snúa í allar áttir.“

Heimsókn RAX til hins kynngimagnaða Ikatek flugvallar má sjá í nýjasta þætti RAX Augnablik í spilaranum hér að neðan.

Klippa: RAX augnablik - Ikatek flugvöllur

Hér fyrir neðan má sjá fleiri þætti úr smiðju RAX.

RAX var eitt sinn á ferð í þorpinu Tiniteqilaaq við Sermilik fjörð sem er í nokkurri nálægð við Ikatek flugvöllinn. Eftir að hafa varið nokkrum dögum við myndatöku í þorpinu þurfti hann að leggja á flótta undan stormi ásamt veiðimanninum Tobiasi, til þess að verð ekki veðurtepptur í þorpinu í einhverjar vikur.

Klippa: RAX Augnablik - Á flótta undan fárviðri

Áhrifin af hlýnun jarðar hafa ekki farið fram hjá RAX á ferðum hans um Grænland í gegnum árin. Þegar efsta lag Grænlandsjökuls bráðnar myndast fagurblá vötn ofan á honum. Í einni af ferðum sínum fór RAX ásamt Ragnari Sigurðssyni eldfjallafræðingi að skoða vötnin betur og RAX gerði undantekningu á því að mynda í svart/hvítu því að hinn lygilega fagurblái litur myndi ekki skila sér á svart/hvítum myndum.

Klippa: RAX Augnablik - Skilaboð blávatnanna

Í þáttunum RAX Augnablik segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+.

Hægt er að sjá alla þættina hér á Vísi.

RAX Ljósmyndun Grænland

Tengdar fréttir

RAX Augnablik: „Við verðum að sækja þá strax“

„Þetta er náttúrulega ekki til eftirbreytni,“ segir ljósmyndarinn Ragnar Axelsson um ljósmyndir sem hann tók af tveimur mönnum á ísjaka við Grænland.

11. apríl 2021 07:00

RAX Augnablik: „Heyrði byssukúlu smella í steini fyrir aftan“

Árið 1997 ferðaðist Ragnar Axelsson um Austurströnd Grænlands og myndaði þar náttúruna, dýrin og mannlífið.

27. desember 2020 07:00

RAX Augnablik: „Ef einhver vill fela sig á jörðinni þá er fínt að fela sig þarna“

Þegar RAX var að skrásetja lífið á Norðurslóðum, fékk hann að heyra margar sögur. Þar á meðal um þessi stórbrotnu Roscoe fjöll, sem RAX segir að sé mikil dulúð yfir.

18. október 2020 07:00

RAX Augnablik: „Það var eitthvað mennskt við Qerndu“

„Ole kenndi mér það að þegar ég fer með veiðimönnum út á hafísinn, að passa mig hvað ég segi. Þegar þú færð svona frá reynsluboltum þá virðir maður það, segir ljósmyndarinn Ragnar Axelsson. Í nýjasta þættinum af RAX augnablik, segir hann söguna um einstakt samband grænlenska veiðimannsins Ole og hundsins Qerndu.

8. nóvember 2020 07:00

RAX Augnablik: „Þeir þögðu bara og horfðu á hafið“

Í nýjasta þættinum af RAX Augnablik segir ljósmyndarinn Ragnar Axelsson söguna á bak við myndirnar af bræðrunum Friðriki og Sófusi. RAX hitti bræður í heimsókn sinni í þorpið Elduvík í Færeyjum árið 1997.

15. nóvember 2020 07:01

RAX Augnablik: Þarf að athuga hvort maður er á lífi

Í nýjasta þættinum af RAX Augnablik segir Ragnar Axelsson frá fyrstu kynnum sínum af Kristni fjallkóngi og smalamennsku á fjöllum. RAX var alls ekki vinsæll eftir hegðun sína í þessari fyrstu ferð, enda fór hann þvert á fyrirmælin sem honum hafði verið gefin.

25. október 2020 07:01