Nýir sölustjórar hjá A4

Bylgja starfaði áður sem sölustjóri stórsölu hjá A4 en því var nú í skipulagsbreytingum skipt í heildsölu og fyrirtækjaþjónustu. Hún er nýr sölustjóri heildsölu. Hún hefur yfir fimmtán ára starfsreynslu af sölustýringu, stjórnun og rekstri. Hún var framkvæmdastjóri og stofnandi frumkvöðlafyrirtækisins MIA og sölu- og viðskiptastjóri hjá Pennanum um árabil. Áður en hún hóf störf sem sölustjóri stórsölu hjá A4 árið 2016 starfaði hún sem rekstrarstjóri Johan Rönning.

Ásgrímur Helgi Einarsson er nýr sölustjóri fyrirtækjaþjónustu. Ásgrímur hefur víðtæka reynslu af sölustörfum. Hann starfaði sem sölustjóri VÍS í sjö ár og síðar sem sölustjóri Mercedes-Benz hjá bílaumboðinu Öskju í nokkur ár. Þá starfaði hann um tíma sem viðskiptastjóri hjá fyrirtækjatorgi Arion banka og sem vörustjóri hjá Bílabúð Benna.

Sigurveig Ágústsdóttir er nýr sölustjóri húsgagna. Sigurveig hefur starfað í húsgagnadeild A4 frá árinu 2017, fyrst sem viðskiptastjóri og síðar sem söluráðgjafi. Hún hefur því tekið þátt í uppbyggingu þessarar öflugu deildar nánast frá því að henni var komið á laggirnar. Áður en hún hóf störf hjá A4 starfaði hún sem sérfræðingur hjá Arion banka. Sigurveig er með APME í verkefnastjórnun frá Háskólanum í Reykjavík og diplóma í mannauðsstjórnun frá Háskóla Íslands.