Enski boltinn

Ungstirni Liverpool ekki meira með á leiktíðinni

Óskar Ófeigur Jónsson skrifar
Leiðinlegur endir á eftirminnilegu tímabili fyrir hinn unga Stefan Bajcetic.
Leiðinlegur endir á eftirminnilegu tímabili fyrir hinn unga Stefan Bajcetic. Getty/Andrew Powell

Stefan Bajcetic verður ekki meira með Liverpool á þessu tímabili en hann meiddist á æfingu í aðdraganda seinni leiksins á móti Real Madrid.

Hinn átján ára gamli Bajcetic er úr leik vegna meiðsla í læri.

Bajcetic hefur verið einn af fáum ljósum punktum á þessu tímabili hjá Liverpool en hann hefur leikið nítján leiki með aðalliðinu. Bajcetic kom með kraft inn á miðju liðsins sem hefur verið döpur lengst af leiktíðinni.

„Það er mjög leiðinlegt að þurfa að kveðja tímabilið svona,“ sagði Stefan Bajcetic.

„Ég skil að þetta er hluti af fótboltanum og mun bara gera mig sterkari, bæði líkamlega og andlega,“ sagði Bajcetic.

Enski boltinn

Mest lesið


Fleiri fréttir

Sjá meira


×

Mest lesið