Scheffler átti flottan hring í dag og lék brautina samtals á sjö höggum undir pari. Min Woo Lee frá Ástralíu lék á sex höggum undir og lengi vel leit út fyrir að hann yrði jafn Scheffler fyrir lokahringinn. Þeir fóru jafnir inn á 18. brautina en þar náði Lee sér í skolla en Scheffler í fugl. Þetta var eini skolli Lee í dag.
Scheffler er samtals á fjórtán höggum undir pari en Lee er tveimur höggum á eftir.
LET S GO CRAZY, FOLKS! #THEPLAYERS pic.twitter.com/EH4N7jLscW
— THE PLAYERS (@THEPLAYERSChamp) March 11, 2023
Aaron Rai átti högg dagsins en hann náði holu í höggi á hinni frægu 17. braut Sawgrass vallarins en þetta er í annað sinn á mótinu sem spilari fer holu í höggi. Þetta er í fyrsta sinn sem tveir fara holu í höggi á brautinni í sömu vikunni.
Fleiri kylfingar gætu blandað sér í baráttuna um sigurinn á morgun en Ástralinn Cam Davis er á tíu höggum undir og svo fylgja nokkrir kylfingar í kjölfarið.
There is a new course record holder at THE PLAYERS Stadium Course. #THEPLAYERS | @HogeGolf pic.twitter.com/Jly3PVWnix
— THE PLAYERS (@THEPLAYERSChamp) March 11, 2023
Bandaríkjamaðurinn Tom Hoge setti brautarmet þegar hann lék völlinn á 62 höggum eða á tíu höggum undir pari og hann blandar sér þar með í baráttuna um efstu sætin.
Staða efstu manna
Scottie Scheffler, Bandaríkjunum -14
Min Woo Lee, Ástralíu -12
Cam Davis, Ástralíu -10
Tommy Fleetwood, Englandi -9
Aaron Rai, Englandi -9
Chad Ramey, Bandaríkjunum -9
Christian Bezuidenhout, Suður-Afríku -9
Sungjae Im, Suður-Kóreu -8
David Lingmerth, Svíþjóð -8
Tom Hoge, Bandaríkjunum -8