Marka­laust hjá Ís­landi og Wa­les

Þorsteinn Halldórsson, landsliðsþjálfari, gerði fjölda breytinga frá liðinu sem vann 2-0 sigur á Skotlandi í fyrsta leik mótsins. 

Aðeins þrír leikmenn héldu sæti sínu í byrjunarliðinu, það voru fyrirliðinn Glódís Perla Viggósdóttir, Áslaug Munda Gunnlaugsdóttir og Sveindís Jane Jónsdóttir.

Leikurinn var ekki upp á marga fiska og átti íslenska liðið í stökustu vandræðum framan af. Í tvígang komst Wales í góð færi en tókst ekki að skila boltanum í netið. 

Bestu færi Íslands fékk Sveindís Jane í síðari hálfleik en inn vildi boltinn ekki og slauk leiknum með markalausu jafntefli.

Ísland mætir Filippseyjum á þriðjudagskvöldið kemur og getur með sigri tryggt sér sigur á Pinatar-mótinu.