Neville svo ánægður með Ten Hag að hann er farinn að klæða sig eins og hann

Ten Hag hefur hreinsað vel til á Old Trafford og er að byggja upp öflugt lið sem nálgast toppbaráttu ensku úrvalsdeildarinnar með hverri vikunni.

United komst tímabundið upp fyrir Manchester City í gær eftir 2-0 sigur á Leeds United.

United liðið er í þriðja sæti, fimm stigum á eftir toppliði Arsenal en hefur leikið tveimur leikjum meira.

Gary Neville vakti athygli fyrir klæðaburð sinni í Sky Sports myndverinu í gær því hann var mættur í einkennisbúningi Ten Hag sem er rúllukragapeysan.

Félagar hans í þættinum, Roy Keane og Micah Richards, leyfðu sér aðeins að skjóta á Gary Neville en hann hafði gaman af því.

Eitt það besta við komu Ten Hag var að honum tókst að kveikja aftur á Marcus Rashford sem hefur raðið inn mörkum á leiktíðinni og skoraði sitt 21. mark á móti Leeds í gær.

Hér fyrir neðan má sjá Gary Neville mæta í einkennisbúningi Ten Hag.