Sprengi­sandur: Kjara­deilur, upp­runi Ís­lendinga, sjó­kvía­eldi og Við­reisn

Fyrstur til leiks mætir Orri Vésteinsson, prófessor í fornleifafræði, og segir frá nýjustu rannsóknum sem færa Íslendinga nær því að komast að raunverulegum uppruna forfeðranna.

Halldór Benjamín Þorbergsson fer fyrir Samtökum atvinnulífsins í deilunni við Eflingu. Verkföll eru hafin og mál bíða meðferð dómstóla, en hvernig metur hann stöðuna? 

Því næst mætir Þorgerður Katrín Gunnarsdóttir, nýkjörinn formaður Viðreisnar, sem ræðir við Kristján um stefnumál flokksins. Fylgi flokksins hefur lítið breyst og spurt verður um áhuga landsmanna á Evrópumálum.

Loks verður fiskeldið til umræðu. Þeir Daníel Jakobsson, framkvæmdastjóri viðskiptaþróunar hjá Artic Fish, og Jón Kaldal, talsmaður íslenska náttúruverndarsjóðsins, skoða framtíð sjókvíaeldis hér á landi. Ný skýrsla Ríkisendurskoðunar verður að sjálfsögðu til umfjöllunar og helstu sjónarmið verða reifuð.