Frá þessu greina Hjörvar Hafliðason, þáttastjórnandi hlaðvarpsins Dr. Football, sem og Fótbolti.net. Samkvæmt síðarnefnda aðilanum hafa Oliver og Breiðablik komist að munnlegu samkomulagi en hann á eftir að undirgangast læknisskoðun og skrifa undir samning.
Oliver Stefánsson er farinn í Breiðablik. Víkingar, KR-ingar og Valsmenn reyndu líka. Óskar Hrafn fær ekki lengur nei. pic.twitter.com/zbCTCV5NBE
— Hjörvar Hafliðason (@hjorvarhaflida) February 10, 2023
Hinn tvítugi Oliver hefur glímt við erfið meiðsli á undanförnum árum og fór til ÍA á láni í von um að komast í betra leikform. Oliver kom við sögu í 23 leikjum í Bestu deildinni síðasta sumar en tókst ekki að koma í veg fyrir að ÍA féll niður í Lengjudeildina.
Oliver kemur til Breiðabliks á frjálsri sölu eftir að hafa rift samningi sínum við Norrköping. Hann er örvfættur miðvörður, eitthvað sem Blikar hafa ekki í sínum röðum, og hefur leikið 18 leiki fyrir yngri landslið Íslands. Hann var einkar eftirsóttur en talið er að Víkingur, Valur og KR hafi öll sóst eftir kröftum hans.
Breiðablik hefur titilvörn sína þegar nágrannarnir í HK mæta á Kópavogsvöll þann 10. apríl næstkomandi.