Erlent

Ís­­lendingurinn sem var stunginn í Noregi kominn til með­vitundar

Bjarki Sigurðsson skrifar
Lögreglan í Stafangri fer með rannsókn málsins.
Lögreglan í Stafangri fer með rannsókn málsins. Getty

Íslensk kona sem var stungin af fyrrverandi eiginmanni sínum í Noregi fyrr í mánuðinum er komin til meðvitundar. Maðurinn, sem einnig er Íslendingur, er grunaður um tilraun til manndráps og hefur játað á sig árásina. 

Árásin átti sér stað fyrir utan McDonalds-veitingastað í bænum Norheim í suðvestur-Noregi en konan var flutt á sjúkrahús með alvarlega áverka eftir árásina. Henni hafði verið haldið sofandi og undirgekkst nokkrar aðgerðir. 

RÚV greinir frá því að konan sé nú komin til meðvitundar og hefur rætt við lögreglu. Hún á þó eftir að gefa formlega skýrslu vegna árásarinnar. 

Norskir fjölmiðlar hafa greint frá því að maðurinn og konan, sem eru á sjötugsaldri, hafi skilið nýlega og hún svo fengið nálgunarbann á hann síðastliðið haust. Samkvæmt heimildum fréttastofu hafa þau verið búsett í Noregi undanfarin ár. 

Noregur Erlend sakamál Íslendingar erlendis

Tengdar fréttir

Konan ekki talin í lífs­hættu

Íslenska konan sem stungin var á fimmtudag af fyrrverandi eiginmanni sínum er ekki talin í lífshættu. Henni er þó haldið sofandi í öndunarvél.

Mest lesið


Fleiri fréttir

Sjá meira


×

Mest lesið