„Alveg ljóst að um veikindi einstaklings er að ræða“

„Þarna er alveg ljóst að um veikindi einstaklings að ræða,“ segir Ásmundur Rúnar Gylfason aðstoðar­yf­ir­lög­regluþjóns hjá lög­regl­unni á höfuðborg­ar­svæðinu í samtali við fréttastofu. Hann segir að ekki hafi verið tekin ákvörðun um næstu skref í málinu af hálfu lögreglu. 

Vísir greindi frá því í gær að karlmaður hafi gengið bersersksgang í Kringlunni og meðal annars slegið til viðskiptavina. Kona var flutt með sjúkrabíl á bráðamóttöku eftir að maðurinn réðist á hana. Öryggisvörðum tókst að yfirbuga manninn og þurfti einn öryggisvörður að leita á sjúkrahús eftir átökin. Ásmundur gat ekki veitt frekari upplýsingar um líðan konunnar eða öryggisvarðarins.