Salka lendir í ritskoðunarkrumlum Facebook Jakob Bjarnar skrifar 25. nóvember 2022 09:21 Mark Zuckerberg og hans fólk hjá Facebook hafði engar vöflur á og setti bókaforlagið Sölku umsvifalaust í mánarbann. Hann hlustar ekki á neinar mótbárur. Anna Lea hjá Sölku segir bannið koma á allra versta tíma. aðsend Ritskoðunardeild Facebook hefur sett Sölku útgáfu í mánaðarbann á samfélagsmiðlinum en útgefanda varð það á að nefna Hitler á nafn en hinn illræmdi fyrrverandi þýski kanslari er nú kallaður H-orðið meðal Sölku-fólks. Sölku varð það á að birta færslu á Facebook-síðu sinni þar sem vakin er sérstök athygli á útgáfu bókar Vals Gunnarssonar Hvað ef? Þar fer Valur í ýmsa lykilatburði mannkynssögunnar og veltir því fyrir sér hvað hefði orðið ef einhverjir afdrifaríkir atburðir hefðu farið öðru vísi en þeir fóru og hvernig veröldin væri þá. Klassísk spurning í raun, sem Valur er að vinna með: „Hvað ef Róm hefði ekki fallið, Hitler hefði unnið, Bítlarnir hefðu aldrei verið til, Lenín hefði lifað lengur, ekkert hrun orðið á Íslandi, víkingar hefðu sigrað heiminn, Jörundur hefði hengt einhvern og fleiri sagnfræðilegar vangaveltur um það sem hefði getað orðið.“ Hélt fyrst að þetta væri grín Þennan texta birti Anna Lea Friðriksdóttir útgefandi á Facebook-síðu Sölku. En hún hefði betur sleppt því á þessum síðustu og verstu. „Það voru komin einhver 400 læk, fólk segir þetta er skemmtilegt og fólk að spjalla, á hvað ef-nótum. Svo er það þannig að sonur minn var að koma heim frá Reykjum, ég var að sækja drenginn, og þá sé ég með rauðum stöfum skilaboð frá Facebook, ég sé komin í bann í 29 daga, þar megi ég ekkert auglýsa neitt fyrir Sölku, ekki á þessum miðli og má ekki vera með „live vídeó“ því þá gæti ég verið að gera eitthvað stórhættulegt – púkka uppá þessa stórhættulegu einstaklinga,“ segir Anna Lea í samtali við Vísi. Hún veit varla hvort hún eigi að hlæja eða gráta. Dögg Hjaltalín og Anna Lea, útgefendur hjá Sölku, eru ánægðar með bók sem þær eru nú að gefa út eftir Val Gunnarsson. Bókin er sagnfræðilegs eðlis en Zuckerberg og hans fólk hjá Facebook telja að þarna gæti verið svæsinn áróður á ferð, forlagið er komið í bann og þar við situr.aðsend Anna Lea hélt fyrst að þetta væri eitthvað grátt grín og svo að hún hefði lent í einhverjum svikahröppum á netinu. „Að þetta væri einhver svikamylla. Það er alltaf verið að tala um að maður eigi að passa sig á hinu og þessu. En svo sé ég að þetta er í alvörunni.“ Bannið kemur á allra versta tíma Anna Lea reyndi að áfrýja, skýrskota til vitsmuna þeirra sem höfðu komið á þessu banni beint af augum en allt kom fyrir ekki. Svarið var að þar á bæ hefðu menn ekki tíma til að skoða málið og að þetta stæði svona. Anna Lea segir að þarna séu vissulega ýmsir vondir karlar í forgrunni en hún á erfitt með að sjá fyrir sér hvernig hægt er að fjalla um 20. öldina án þess að nefna Hitler á nafn. Kanslarinn þýski? H-orðið? Bókin umdeilda. Hvað ef? Höfundurinn segir að ritskoðunarstefna Facebook eigi að vera ráðandi þá verði ómögulegt að ræða lykilatburði 20. aldarinnar á opinberum vettvangi. Bannið kemur skelfilega við útgáfuna, á allra versta tíma því megnið af bóksölu ársins fer einmitt fram þessa dagana. Salka má ekki auglýsa neitt á Facebook næstu 29 dagana. „Gildir um allt sem Salka er að gera. Ég er með hendur bundnar. Ég get ekki einu sinni auglýst bók um jóga,“ segir Anna Lea. Hið öfgusnúna í þessu öllu, eins og oft vill verða þegar ritskoðun er annars vegar, er að þetta eru nákvæmlega sömu aðferðirnar og Hitler hefði beitt. Áróðursmálaráðherra hans, Göbbels, hamaðist gegn „lygapressunni“ með ritskoðun og bókabrennur að vopni þar sem margræðni mátti sín einskis. Ritskoðun setur áróður og sagnfræði í sömu hilluna Þá þykir Önnu Leu skjóta skökku við að Valur Gunnarsson, annálað prúðmenni og mannvinur hafi náð að strjúka fólki Mark Zuckerbergs svo hroðalega öfugt. Valur telur ekki ólíklegt að þessar aðferðir séu nákvæmlega það sem H-ið hefði viljað viðhafa.aðsend Og Val er brugðið: „Einhvern tímann hefði ég verið talsmaður óhefts málfrelsis en Elon Musk hefur ef til vill sýnt fram á að slíkt kann ekki góðri lukku að stýra. En hinn kosturinn er líka slæmur, að vélmenni sjái um ritskoðun og taki allt efni úr umferð sem inniheldur ákveðin orð.“ Valur segir engan greinarmun gerðan á áróðri og sagnfræði og samkvæmt þessu verði ekki hægt að ræða lykilatburði 20. aldar á opinberum vettvangi. „Sem er kannski einmitt eitthvað í ætt við það sem H-ið hefði viljað,“ segir Valur við þessari óvæntu vendingu. Hér má sjá skilaboðin frá ritskoðunarnefnd Facebook. Samfélagsmiðlar Bókaútgáfa Facebook Meta Tjáningarfrelsi Auglýsinga- og markaðsmál Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn tveggja sorphirðufyrirtækja grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Sölku varð það á að birta færslu á Facebook-síðu sinni þar sem vakin er sérstök athygli á útgáfu bókar Vals Gunnarssonar Hvað ef? Þar fer Valur í ýmsa lykilatburði mannkynssögunnar og veltir því fyrir sér hvað hefði orðið ef einhverjir afdrifaríkir atburðir hefðu farið öðru vísi en þeir fóru og hvernig veröldin væri þá. Klassísk spurning í raun, sem Valur er að vinna með: „Hvað ef Róm hefði ekki fallið, Hitler hefði unnið, Bítlarnir hefðu aldrei verið til, Lenín hefði lifað lengur, ekkert hrun orðið á Íslandi, víkingar hefðu sigrað heiminn, Jörundur hefði hengt einhvern og fleiri sagnfræðilegar vangaveltur um það sem hefði getað orðið.“ Hélt fyrst að þetta væri grín Þennan texta birti Anna Lea Friðriksdóttir útgefandi á Facebook-síðu Sölku. En hún hefði betur sleppt því á þessum síðustu og verstu. „Það voru komin einhver 400 læk, fólk segir þetta er skemmtilegt og fólk að spjalla, á hvað ef-nótum. Svo er það þannig að sonur minn var að koma heim frá Reykjum, ég var að sækja drenginn, og þá sé ég með rauðum stöfum skilaboð frá Facebook, ég sé komin í bann í 29 daga, þar megi ég ekkert auglýsa neitt fyrir Sölku, ekki á þessum miðli og má ekki vera með „live vídeó“ því þá gæti ég verið að gera eitthvað stórhættulegt – púkka uppá þessa stórhættulegu einstaklinga,“ segir Anna Lea í samtali við Vísi. Hún veit varla hvort hún eigi að hlæja eða gráta. Dögg Hjaltalín og Anna Lea, útgefendur hjá Sölku, eru ánægðar með bók sem þær eru nú að gefa út eftir Val Gunnarsson. Bókin er sagnfræðilegs eðlis en Zuckerberg og hans fólk hjá Facebook telja að þarna gæti verið svæsinn áróður á ferð, forlagið er komið í bann og þar við situr.aðsend Anna Lea hélt fyrst að þetta væri eitthvað grátt grín og svo að hún hefði lent í einhverjum svikahröppum á netinu. „Að þetta væri einhver svikamylla. Það er alltaf verið að tala um að maður eigi að passa sig á hinu og þessu. En svo sé ég að þetta er í alvörunni.“ Bannið kemur á allra versta tíma Anna Lea reyndi að áfrýja, skýrskota til vitsmuna þeirra sem höfðu komið á þessu banni beint af augum en allt kom fyrir ekki. Svarið var að þar á bæ hefðu menn ekki tíma til að skoða málið og að þetta stæði svona. Anna Lea segir að þarna séu vissulega ýmsir vondir karlar í forgrunni en hún á erfitt með að sjá fyrir sér hvernig hægt er að fjalla um 20. öldina án þess að nefna Hitler á nafn. Kanslarinn þýski? H-orðið? Bókin umdeilda. Hvað ef? Höfundurinn segir að ritskoðunarstefna Facebook eigi að vera ráðandi þá verði ómögulegt að ræða lykilatburði 20. aldarinnar á opinberum vettvangi. Bannið kemur skelfilega við útgáfuna, á allra versta tíma því megnið af bóksölu ársins fer einmitt fram þessa dagana. Salka má ekki auglýsa neitt á Facebook næstu 29 dagana. „Gildir um allt sem Salka er að gera. Ég er með hendur bundnar. Ég get ekki einu sinni auglýst bók um jóga,“ segir Anna Lea. Hið öfgusnúna í þessu öllu, eins og oft vill verða þegar ritskoðun er annars vegar, er að þetta eru nákvæmlega sömu aðferðirnar og Hitler hefði beitt. Áróðursmálaráðherra hans, Göbbels, hamaðist gegn „lygapressunni“ með ritskoðun og bókabrennur að vopni þar sem margræðni mátti sín einskis. Ritskoðun setur áróður og sagnfræði í sömu hilluna Þá þykir Önnu Leu skjóta skökku við að Valur Gunnarsson, annálað prúðmenni og mannvinur hafi náð að strjúka fólki Mark Zuckerbergs svo hroðalega öfugt. Valur telur ekki ólíklegt að þessar aðferðir séu nákvæmlega það sem H-ið hefði viljað viðhafa.aðsend Og Val er brugðið: „Einhvern tímann hefði ég verið talsmaður óhefts málfrelsis en Elon Musk hefur ef til vill sýnt fram á að slíkt kann ekki góðri lukku að stýra. En hinn kosturinn er líka slæmur, að vélmenni sjái um ritskoðun og taki allt efni úr umferð sem inniheldur ákveðin orð.“ Valur segir engan greinarmun gerðan á áróðri og sagnfræði og samkvæmt þessu verði ekki hægt að ræða lykilatburði 20. aldar á opinberum vettvangi. „Sem er kannski einmitt eitthvað í ætt við það sem H-ið hefði viljað,“ segir Valur við þessari óvæntu vendingu. Hér má sjá skilaboðin frá ritskoðunarnefnd Facebook.
Samfélagsmiðlar Bókaútgáfa Facebook Meta Tjáningarfrelsi Auglýsinga- og markaðsmál Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn tveggja sorphirðufyrirtækja grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda