Ráðin birtingar­stjóri hjá Datera

Í tilkynningu kemur fram að Ragnhildur muni veita ráðgjöf og stýra birtingum fyrir viðskiptavini Datera á innlendum miðlum auk þess að hámarka árangur þeirra með samþættingu við erlenda miðla.

„Ragnhildur hefur góða reynslu af markaðs- og birtingastörfum ásamt rekstri og fjármálum. Hún kemur til Datera frá Sýn þar sem hún starfaði sem viðskipta- og verkefnastjóri í auglýsingadeild síðastliðin þrjú ár. Áður stofnaði hún og rak verslanirnar Maí og Apríl skór í Garðabæ. Ragnhildur er með BSc gráðu í viðskiptafræði frá Háskólanum í Reykjavík,“ segir í tilkynningunni. 

Um Datera segir að það sé alhliða birtingahús sem sérhæfi sig í stjórnun árangursríkra og gagnadrifinna herferða, uppsetningu sjálfvirkra auglýsingaherferða, leitarvélabestun og alhliða ráðgjöf í markaðsmálum. Hjá fyrirtækinu starfa nú alls ellefu sérfræðingar.