Handbolti

Þórir Hergeirs forviða á spurningu blaðamanns | „Heimskasta spurning sem ég hef heyrt“

Arnar Geir Halldórsson skrifar
Þórir Hergeirsson hefur þjálfað kvennalandslið Noregs um langt árabil og náð mögnuðum árangri.
Þórir Hergeirsson hefur þjálfað kvennalandslið Noregs um langt árabil og náð mögnuðum árangri. EPA-EFE/CLAUS FISKER

Þórir Hergeirsson er á leið í enn einn úrslitaleikinn á stórmóti í dag þegar stelpurnar hans í norska handboltalandsliðinu mæta Dönum í úrslitaleik EM.

Þórir var stuttorður í samtali við danska blaðamanninn Christian Kjær í aðdraganda leiksins og raunar alveg forviða á því hvernig blaðamaðurinn hóf viðtalið.

„Helduru að ég segi þér það? Þetta er heimskasta spurning sem ég hef heyrt,“ sagði Þórir þegar hann var spurður að því hvernig hann ætlaði að leysa 7 á móti 6 sóknarleik Danmerkur.

Viðtalinu lauk nokkrum sekúndum síðar en myndband af því má sjá með því að smella hér.

Leikur Noregs og Danmerkur hefst klukkan 19:20 í kvöld og getur Þórir þar unnið sín níundu gullverðlaun sem þjálfari liðsins.

EM kvenna í handbolta 2022 Íslendingar erlendis

Mest lesið


Fleiri fréttir

Sjá meira


×

Mest lesið