Mynda­veisla frá eftir­partýi fjár­festa­dagsins í Grósku

Að loknum kynningunum var slegið upp í heljarinnar partý í höfuðstöðvum KLAK, Grósku þar sem einn vinsælasti tónlistarmaður landsins Emmsjé Gauti, hin goðsagnakennda Cell 7 tróðu upp og trilltu lýðinn. Fjárfestadagurinn eins og og hann er jafnan kallaður fór langt fram úr vonum allra. Fulltrúar Nova, aðal bakhjarl Startup SuperNova, frumkvöðlar, sprotar og fjárfestar fögnuðu öll vel með mat og drykk.

Startup SuperNova, viðkiptahraðallinn, er feikistór stökkpallur fyrir sprotafyrirtæki og mikilvægur vettvangur til tengslamyndunar við aðila í atvinnulífinu, reynda mentora og frumkvöðla sem hafa yfir að ráða þekkingu og reynslu á sprota- og nýsköpunarumhverfinu. Markmið hraðalsins er að styðja við frekari vöxt fyrirtækja tengdum hugviti, nýsköpun og tækni. Nova er helsti bakhjarl hraðalsins sem fór fram í þriðja sinn í ár.

„Grasrótin er orðin gríðarlega öflug og hefur KLAK skipað sér sess sem lykilaðili í stuðningsumhverfi nýsköpunar á Íslandi og hefur lagt sig fram við að vera leiðandi afl í grasrót frumkvöðlasamfélagsins. Þungavikta konur og menn úr viðskiptalífinu hafa verið viðloðandi sprotaumhverfisins frá upphafi og einn þeirra sem þekkir vel til er Guðjón Már Guðjónsson sem jafnan er kenndur við Oz en hann tók stöðu í panel og spurði sprotana spjörunum úr ásamt Kristjáni Inga Mikaelssonar hjá MGMT, Jenný Ruth Hrafnsdóttur hjá Crowberry,“ segir í tilkynningu um viðburðinn.

Startup SuperNova er samstarfsverkefni KLAK – Icelandic startups og Nova þar sem leitast er við að byggja upp viðskiptalausnir en KLAK er í eigu Háskóla Íslands, Háskólans í Reykjavík, Samtaka atvinnulífsins, Nýsköpunarsjóðs atvinnulífsins og Origo.

Hér fyrir neðan má sjá nokkrar vel valdar myndir frá þessum viðburði.