Andries Jonker var í gær kynntur sem nýr landsliðsþjálfari Hollands en hann kemur í stað Marks Parsons sem var rekinn eftir að Holland náði „aðeins“ í 8-liða úrslit á EM í Englandi.
Jonker þarf að vera fljótur að koma sér inn í hlutina en fær einn vináttulandsleik, gegn Skotum, áður en að úrslitaleiknum við Ísland kemur. Hann er þó með sömu aðstoðarmenn og Parsons hafði.
Eitt fyrsta verk Jonkers var að velja landsliðshóp en hann gat ekki valið hina frábæru Lieke Martens, kantmanninn sem PSG var að fá frá Barcelona og valin var best í heimi árið 2017.
— OranjeLeeuwinnen (@oranjevrouwen) August 24, 2022
Bondscoach Andries Jonker heeft geselecteerd voor het oefenduel tegen Schotland (2/9) en het beslissende WK-kwalificatieduel tegen IJsland (6/9).
Zien we jullie daar? #NEDSCO #NEDISL pic.twitter.com/xgeDqxcgoG
Martens meiddist á Evrópumótinu og hefur ekki náð að jafna sig af þeim meiðslum. Markvörðurinn Lize Kop snýr hins vegar aftur eftir árs fjarveru en Sari van Veenendaal, sem var fyrirliði og aðalmarkvörður Hollands, lagði skóna á hilluna eftir EM.
Skærasta stjarna Hollands, af mörgum góðum, er Vivianne Miedema, sóknarmaður Arsenal, sem skorað hefur 94 mörk í 113 A-landsleikjum. Hún missti af leikjum á EM vegna kórónuveirusmits en spilaði í tapinu gegn Frökkum í 8-liða úrslitunum.
Holland vann 2-0 sigur gegn Íslandi á Laugardalsvelli í fyrra en engu að síður er það svo, vegna jafntefla Hollands við Tékkland, að ef Ísland vinnur Hvíta-Rússland á Laugardalsvelli 2. september dugar liðinu jafntefli í lokaleiknum gegn Hollandi, til að komast á HM í fyrsta sinn. Tapi liðið fer það í umspil.
Landsliðshópur Hollands:
Lineth Beerensteyn, Juventus
Esmee Brugts, PSV
Kerstin Casparij, Manchester City
Caitlin Dijkstra, FC Twente
Merel van Dongen, Atletico Madrid
Danielle van de Donk, Olympique Lyon
Daphne van Domselaar, FC Twente
Kayleigh van Dooren, FC Twente
Damaris Egurrola, Olympique Lyon
Kika from Es, PSV
Stefanie van der Gragt, Internazionale
Jackie Groenen, Manchester United
Renate Jansen, FC Twente
Dominique Janssen, VfL Wolfsburg
Fenna Kalmac, FC Twente
Lize Kop, Ajax
Romee Leuchter, Ajax
Barbara Lorsheyd, Ado den Haag
Vivianne Miedema, Arsenal
Aniek Nouwen, Chelsea
Marisa Olislagers, FC Twente
Victoria Pelova, Ajax
Jill Roord, VfL Wolfsburg
Shanice van de Sanden, Liverpool
Sherida Spitse, Ajax
Lynn Wilms, VfL Wolfsburg